كشفت الفنانة منة عرفة أن الطلاق لم يقع بينها وبين زوجها رسميا حتى الآن.
وأوضحت في مقابلتها مع برنامج “ضرب نار” من تقديم داليا فؤاد على قناة القاهرة والناس، أنها انفصلت عن زوجها قبل شهر ونصف، مؤكدة أن علاقتهما جيدة ويتواصلان بشكل يومي.
وقالت منة عرفة عن سبب عدم وقوع الطلاق بشكل رسمي: “قبل ما الطلاق بيحصل في حاجات لازم تخلص”، مؤكدة أن قرار الطلاق ليس نهائي وأضافت: “كل شيء نصيب ممكن تكوني مقررة حاجة وبعدها الموضوع يتقلب وتلاقي نفسك في حتة تانية خالص”.
وأكدت وجود محاولات من زوجها والمحيطين بهما لعودتهما مرة أخرى، موضحة: “خراب البيوت مش سهل.. أحنا مش بنكره بعض ولا أعداء، في ما بيننا علاقة طيبة واحترام وكل حاجة حلوة، لكن حياتنا مع بعض دي حاجة تخصنا”.
وأشارت منة عرفة إلى انفصالها عن زوجها بسبب تصريحاته الإعلامية التي ورطتها في أزمات مع بعض الفنانين، قائلة: “مش لازم عشان إحنا متجوزين يبقى إحنا لازقين في بعض، يبقى هو عمل أنا معاه”.
وتابعت أن أرائها حول المشاهد الجريئة تتشابه مع زوجها، قائلة: “المبدأ واحد، لكن أنا مكنتش بقدم حاجة وبعد اتجوزت بقيت محترمة، أنا ضد ده من البداية”.
وأردفت منة عرفة أن زوجها مسئول عن تصريحاته وأنها رفضت الحديث لعدد من البرامج التي طلبت توضيح موقفها من تلك التصريحات.
ورفضت منة عرفة الإجابة بشكل مباشر على سؤال حول حقيقة عودتها إلى زوجها في عيد الفطر، قائلة: “دي حاجة تخصني أنا وهو، على العيد، هنرجع مش هنرجع في الأخر دي حياتنا إحنا الأتنين، ربنا يعمل اللي فيه الخير، وبنعيد حساباتنا”.