طرحت الفنانة اللبنانية “ماريتا الحلاني” أغنيتها الجديدة “أنا بنت” باللهجة اللبنانية، عبر قناتها الرسمية في موقع الفيديوهات يوتيوب.
والاغنية تسلط الضوء على المشاكل التي تتعرض لها الفتاة في حياتها اليومية، وهي من كلماتها وألحانها.
وارفقت الفيديو بشرح عنها مفصلاً:”وقتها حسيت بكل كلمة غنيتها لأنو كان عندي أحلام كبيرة بدي حققها وكتار استخفوا بقدراتي وحاولوا يوقفوا بطريقي بينما أنا كنت عارفة حالي شو بدي ومن وقتها كل ما اسمع قصص وتجارب بنات جيلي بتجي هالأغنية على بالي وبدندنها. لحد ما قررت شاركها معكن ووصّل من خلالها رسالتنا وقول لكل بنت عم تمرق بصعوبات إنك مش لوحدك وكلنا حاسين فيكي. اسمعي لقلبك والحقي إحساسك حياتك ملكك إلك”.
وكلمات الاغنية
ما حدا بيعرف باللي بحسو
تعبانة كتير وما بيحسوا
جربت خبي
خبي بقلبي
ببكي بهالليل وما حدا عم يسمعني
انا بنت
انا عندي احساس
انا بنت
انا عندي احلام
انا حقي
اختار حياتي
اخد قراراتي
حياتي انا ملكي الي
جواتي صوت عم بيقلي
كفي طريقك ما تهتمي
اسمعي لقلبك
وين عم بيدلك
وحدو بيعرف وين هي سعادتك
انا بنت
انا عندي احساس
انا بنت
انا عندي احلام
انا حقي
اختار حياتي
اخد قراراتي
حياتي انا ملكي الي
وكشفت “الحلاني” مؤخراً عن قصة الأغنية التي كتبتها ولحنتها بنفسها، التي دندنتها بعفوية أثناء عودتها من الجامعة في سيارتها، في الفترة التي كانت تعترضها انتقادات وسخرية الآخرين من طموحها وأحلامها.
وطرحت “الحلاني” منذ فترة أغنية “ولو” من كلمات وألحان “نبيل خوري”، وإنتاج وتوزيع “سليمان داميان”.