وجهت الفنان شيرين عبد الوهاب، رسالة إلى طليقها السابق حسام حبيب قائلة: أنا بحبه وما زلت بحبه.
وقالت شيرين عبد الوهاب في مداخلة هاتفية لبرنامج الحكاية مع الإعلامي عمرو أديب: جمهوري والحضن والأمان في الدنيا وأي انسان في الدنيا معتمدش على الاخر يعتمد على نفسه فقط، ومفيش حد يهرشلي ضهري غير صوابع ايدي.
وتابعت شيرين عبد الوهاب: الحب بهدلة للأسف.. خلاني أنلدة.. ولازم معجزة تحصل لو رجعنا لبعض”.
ووجهت الفنان شيرين عبد الوهاب، رسالة جديدة إلى طليقها السابق حسام حبيب قائلة: أنت إنسان كويس جدًا ولازم تشتغل على نفسك والراجل لازم يبقى راجل وأنت معدنك لذيذ ومتربي وحرام تدفن لأنك فنان.
وأضافت شيرين عبد الوهاب في مداخلة هاتفية لبرنامج الحكاية مع الإعلامي عمرو أديب: بحب أوجه رسالة لجمهوري ربنا يجعله سند لي والحضن اللي يداويني، وجمهوري حضن بيديني الأمان.
ووجهت رسالة إلى الرئيس السيسي: ربنا يخلي رئيس جمهورية بلدي عشان أنا عارفة إن أنا بنته.
وقالت الفنان شيرين عبد الوهاب، إن قص شعرها زيرو بالشكل الذي ظهرت عليه أمس جاء بإرادتها الكاملة، مؤكدة أنها قصت شعرها عشان مبقاش حلوة في عينيه، في إشارة إلى طليقها حسام حبيب.
وتابعت شيرين عبد الوهاب في مداخلة هاتفية لبرنامج الحكاية مع الإعلامي عمرو أديب: “مفيش عدم إتزان خالص.. ولو حد ساب دماغه تاكله هيضيع”.
وأكدت أنها قامت بحلاقة شعرها بنفسها، ثم جاء أحد الأشخاص ليساعدها في تسوية كافة الجوانب وقص كافة الشعر.
وردت الفنانة شيرين عبد الوهاب على أول ظهور لها بعد طلاقها من حسام حبيب، قائلة: أنا كويسة بس فيه عدم اتزان.
وأضافت، خلال تصريحات مع عمرو أديب ببرنامج الحكاية، عبر فضائية ام بي سي مصر: وحلقت شعري عشان مكنش حلوة في عيون حسام حبيب، حلقت عشان لما يشوفني ميشوفنيش حلوة، وهاني شاكر وقف مع ميرام فارس في أزمتها وما وقفش معايا في أزمة حفلتي “ماشربتش من نيلها”.
وتابعت: أنا حلقت شعري قبل يوم طلاقي بيوم واحد، ولما شافني حالقة شعري فهم إني مش عايزة أكمل، ومش أول مرة أقص شعري.
وقالت الفنان شيرين عبد الوهاب، إنها تعيش الكوميديا، مضيفة: أنا لو عملت كوميدي هقعد محمد سعد ومحمد هنيدي في البيت.
وأضافت شيرين عبد الوهاب في مداخلة هاتفية لبرنامج الحكاية مع الإعلامي عمرو أديب: انا في رمضان الجاي، ممكن اعمل أعمل درامية أفلام مثلا.
وتابعت: أنا عمري ما شفت واحدة بتطلق بتجيلها كم المباركات دي زي ما أكون راجعة من الحجاز، الناس بتباركلي كتير جدًا فيه ايه؟.
وأكملت: انا مش بتظاهر بالقوة بالعكس لما الناس شافتني وقالوا شكلي حلو الموضوع عدى وانتهى خلاص، بس حسام حبيب راجل وسيد الناس كمان.
وقالت الفنان شيرين عبد الوهاب: لو الراجل حس إن مراته بتجيب فلوس أكتر منه هيحس بالضعف، ومش هيحس إنه راجل.
وكررت شيرين عبد الوهاب في مداخلة هاتفية لبرنامج الحكاية مع الإعلامي عمرو أديب رسالتها لحسام حبيب مرة أخرى قائلة: أنا لسه بحبه.. والست المصرية أصيلة جدًا احنا ناس بنعيش اليوم بيومه.
وتابعت: قبل الطلاق بخمس أيام كنت في القلعة مع حسام حبيب، وأنا بدايتي كانت من آلاف السنين، وكنت منبهرة جدًا.
وأكملت: أنا كنت هنتحر وأخلص من حياتي، ولما طلعت على المسرح في الحفلة تقبلوني بالمنظر دا، الناس اتبسطت والناس قبلوني كده، ومش عايز أركب باروكة.