شنت الممثلة المصرية لقاء الخميسي هجوما على إحدى المتابعات لحسابها على موقع التواصل الاجتماعى انستغرام بسبب صورة نشرتها الفنانة لمجموعة من النساء الأصدقاء.
وعلقت المتابعه على الصورة قائلة : “لو عيل من عيالي فكر يقولي هتجوز واحدة بشعرها أو مطلقة أو مدخنة همسح بيه الأرض كفاية الستات والأمهات اللي بشوفهم يوميًا زي الصورة دي وبتخض على مستقبل بناتهم اللي أكيد هيقلدوهم معرفش ليه بتكرهوا الحجاب كده ”.
وجاء رد لقاء الخميسى عليها بقوة حيث قالت : “يا أستاذة هالة يومك جميل إن شاء الله، للأسف الشديد أنا سمحت لنفسي أخد البوست بتاع حضرتك من غير استئذان ودة مش صح بس علشان أقول لحضرتك كلمتين ياريت تقريهم كويس.. مش من حق حضرتك تاخدي صور ناس وتحطيها عند حضرتك وتذميهم وتدخلي في اختياراتهم لحياتهم، مش من حقك أصلا تختاري حياة ولادك لأنهم ليهم كل الحق في الاختيار، مش من حقك تحكمي على أخلاق الناس وحياتهم لأنك مش واصي ولا ولي فياريت حضرتك تخليكي في نفسك وتطوري من نفسك وتغضي البصر لو مش عاجبك الصور ودعي الخلق للخالق، كل حي ادرى بحياته واختياراته وعليكي احترامه والتزام الصمت، شكرًا ويوم سعيد”.