قررت أسما ابنة الفنان شريف منير، التراجع عن نشر صورها الجريئة على مواقع التواصل الاجتماعي، وذلك بعد تعرضها لبعض الانتقادات من جمهورها.
ونشرت “أسما”، صورة جديدة، معلقه عليها: “مسحت الصورة اللي فاتت وقلت أنزل دي بس عشان ساعات شيطاني بيغلبني زي باقي البشر، وساعات بحس بالذات بعد ما خسيت إني عايزة ألبس لبس حلو وبناتي كده وأفرح إنه بقى شكله حلو عليا، بس الصح صح، مش هقاوح”.
وأضافت: “أنا أصلاً مش بحب ألبس لبس مكشوف في العادي، بس انجرفت ورا الدنيا اللي مش باقية، فهقاوم الإحساس ده وهركز مع نفسي وفي لبسي أكتر وهحاول أنقي لبس يكون معتدل وحلو عشان أشجع نفسي”.
وأختتمت قائله: “البنات اللي بتتابعني بيلبسوا لبس حلو وفي نفس الوقت مش مفتوح، مش عيب إن الواحد يعترف بغلطه وطول الوقت يحاول إنه يبقى أحسن، وبشكر المتابعين اللي لفتوا نظري بطريقة ذوق.. كل سنة وانتم طيبين وحبايبي ودعمي، ربنا يفرح قلبنا كلنا ويهدينا.. بحبكم”.
يذكر أن أسما أعلنت في أبريل الماضي، انفصالها رسميا عن الفنان محمود حجازي، قائلة: “احنا كان فيه بيننا عشرة وعيش وملح، فأكيد مش هنتكلم عن تفاصيل بيتنا”.