كشف بطلا مسلسل “ملوك الجدعنة” عمرو سعد ومصطفى شعبان عن رأيهما في فكرة عمل الجزء الثاني من مسلسل “ملوك الجدعنة”.
وخلال استضافتهما في برنامج “الحكاية”، الذي يقدمه الإعلامي عمرو أديب على قناة MBC مصر، قال مصطفى شعبان: “أنا دايما بدوّر على الموضوع المقنع، بغض النظر عن مدى بساطته أو تعقيده، المهم إنه يكون موضوع مقنع. يطلع الجزء التاني مقنع يبقى هنعمله، يطلع موضوع تاني خالص يبقى أحلى، لسه بنشوف، بس أنا مش ممانع.”
وقال عمرو سعد : “أنا بخاف شوية. الحمد لله رب العالمين، يمكن أنا والراجل ده لا نجيد الكلام عن نجاحنا، مبنحبش نتكلم عن الأرقام والحاجات دي خالص، وبنتكسف نقولها، برغم إنها حلال مش مدفوعة الأجر. طبعا لو في ورق مكتوب وفكرة متماسكة تخلينا نقول هنعمل ده أنا لن أتردد.”
وأضاف: “أنا مش خايف من الأجزاء التانية. النجاح يا أستاذ عمرو كان كبير جدا، والأرقام اللي بتتقال لنا من المحطة ومن مراقبين أرقام ضخمة بشكل مخيف، فلهذا النجاح لازم إحنا نخاف.”
وقال النجم مصطفى شعبان، إن المنتج صادق الصباح هو من عرض عليه فكرة مسلسل “ملوك الجدعنة” خلال حواره مع الإعلامي عمرو أديب مقدم برنامج “الحكاية” عبر فضائية “mbc مصر”: “الصباح قالي عايزين نعمل حاجة عن الصحاب، قولتله يعني زي (سلام يا صاحبي)؟ قالي مش الفيلم بس المضمون بتاعه وفكرة الصحوبية”.
تابع: “قالي وعمرو سعد يشاركك البطولة، قولتله ممتاز جدا بس هو موافق؟ قالي هو موافق جدا، قولتله مبروك لكن مش هنعمل الفيلم، قالي لأ مش هنعمل الفيلم إحنا هناخد روح الصحوبية، وقصة الفيلم أصلا مأخوذة عن فيلم أجنبي ورواية”.
استكمل: “الكلام عن الصحاب حالة مفتقدة في الدراما والسينما بقالها فترة، ويكون في تعاون بينهم وإخلاص، وكنا حابين نطلع شكل الحارة المصرية والشعب بجد، ونطلع ولاد البلد اللي بجد”.
يذكر أن مسلسل “ملوك الجدعنة” سيناريو وحوار عبير سليمان وأمين جمال، إخراج أحمد خالد موسى، بطولة عمرو سعد، مصطفى شعبان، عمرو عبد الجليل، أحمد صفوت، ياسمين رئيس، رانيا يوسف، دلال عبد العزيز، مريم أمين، وليد فواز وبسمة داود.