شاركت الفنانة المصرية علا رشدي متابعيها وجمهورها عبر حسابها الرسمي على موقع التواصل الاجتماعى “إنستغرام” بمقطع فيديو جديد تتحدث فيه عن التحرش، معلقة: “التحرش.. موضوع مهم جداً محتاجة اتكلم معاكوا فيه، وكان نفسي الصوت يبقى أوضح بس آلة جز الأعشاب والزرع (معرفش اسمها ايه) اشتغلت و مخدتش بالي”.
وقالت علا رشدى فى مقطع الفيديو، إنها تعرضت إلى التحرش من قبل شخص وصفته بالمريض، مضيفة: “للأسف أنا شوفت هوجه على موضوع التحرش .. ومريت بيه زي معظم السيدات.. بيبدأ ببصة إلى اغتصاب.. ومكنتش عايزة اتكلم عن الموضوع ده غير لما يكون عندي حلول أو نصائح”.
وأَضافت :”التحرش بقأ عادي من الراجل عشان هي ست مش عشان لابسة حاجة عريانة.. الراجل عنده فكرة أن الست دي طالما ست يبقى يعمل فيها أي حاجة.. وشايفة أن الوعي والتعليم مهمين جدا عند تربية ولادنا وبناتنا .. نعلم أولادنا أن جسمهم ده ما ينفعش حد يلمسه أو يستحقره”.
وأثارت قضية التحرش بالفتيات ضجة واسعة على منصات السوشيال ميديا في الآونة الأخيرة، فيما شاركت العديد من الفنانات في حملة ضد المتحرشين من بينهم الفنانة رانيا يوسف.
وفي وقت سابق، شاركت الفنانة علا رشدي بصورة مع زوجها الفنان أحمد داوود وأبنائها عبر حسابها بموقع “إنستغرام”، خلال قضاء عطلتهم، معلقة عليها قائلة “يا رب العمر كله ماسكين إيد بعض وطايرين فوق”.