وثقت الفنانة المصرية هنا الزاهد لحظة تعرضها للتحرش والمضايقات من أحد السائقين بسيارة نصف نقل أثناء قيادتها سيارتها، موضحة أن السائق وأصدقاؤه استمروا لمدة 5 دقائق في توجيه كلمات سيئة لها وهربوا فور قيامها تسجيل الواقعة بكاميرا هاتفها.
ونشرت الفنانة هنا الزاهد، عبر ستوري حسابها بموقع إنستغرام، فيديوهات خلال ملاحقتها لسيارة نصف نقل، وعلقت قائلة: “متحرشين بيخبوا وشهم وبيجروا لما صورتهم”.
وأظهر الفيديو بعض الأفراد يجلسون على سيارة نصف نقل، وقالت هنا الزاهد: “رجالة أهم، أنا دلوقتي في العربية، الفيديو اللي أنتم شوفتوه الأول لرجالة بشنبات قاعدين في عربية نص نقل كانوا بيجروا ورايا بقالهم 5 دقائق وبيتحرشوا بالكلام وعاملين يكسروا عليا وكانوا بيجروا عليا، أول ما طلعت الموبايل جريوا زي الفران لأنهم فعلا زي الفئران أو كلاب بمعنى أصح، فاكرين لو بنت لوحدها في العربية هتخاف وتقعد تجري”.
وأوضحت: “لا أنا مابخافش دول ناس مش محترمة وماتسكتيش على حقك وحق يتجاب دلوقتي عادي جدا وعاوز أقول لأي بنت في عربيتها ماتخفيش طلعي موبايلك وصوريهم هيجروا زي الجبناء وماتسكتيش على حقك”.