هاجمت الناقدة المصرية ماجدة خير الله فيلم ” خيال مآته ” الذي يقوم ببطولته احمد حلمي حيث عبرت عن رأيها بمنشور، وكتبت عبر صفحتها على فيسبوك “خيال المآته ،بدايه كده اسم بايخ يشكل عامل طرد ،مش جذب،ثانيا الفيلم مكنش مضطر يرجع نص قرن لزمن ام كلثوم ويصعب الحكايه على نفسه ،وبالتالي يفسد حركه احمد حلمي ويخليه يظهر معظم احداث الفيلم كرجل في الثمانين وطبعا كان مضطر يرفع سن كل من حوله فيفقد جزء كبير من الق وحيويه احمد حلمي ورفاقه ، ثم هو انت فاكر ان الجيل اللي بيدخل سينما النهارده يعرف يعني ايه بروش ام كلثوم؟ ولا ايه قيمته؟
واضافت كان ممكن السيناريست يشوف حكايه اقرب شويه من ام كلثوم يبني عليها البلوت الاساسي ،ولكنه كان عايز يقول كلام كبير وعبر ومواعظ والحكايه فلتت منه تماما،ثالثا او رابعا منه شلبي أهم كتير من انها تلعب هذا الدور اللي ممكن ترفضه ايمان العاصي أو من دونها!
واكملت خامسا الكوميديا شحيحه جدا في الفيلم وكمان ماينفعش تقول افيه وتقعد تشرحه !! سادسا : حط الفيلم ده جنب اخواته صنع في مصر،ولف ودوران ،وعلى جثتي ،وحانعتبر ان آخر نجاح فني لاحمد حلمي كان مع اكس لارج وفي انتظار فيلمه القادم.