وجّهت الفنّانة ليلى إسكندر رسالة لوالدتها عبر حسابها على انستقرام بسبب ما تتعرّض له من تعليقات سلبية على السوشيال ميديا بسبب ابنتها.
قالت ليلى في رسالتها المطولة: «سامحيني انو بسببي تعرضتي لكلام ما بحياتك حدا استجرأ يقلك ياه، سامحيني انن شككوكي حتى بأكتر موضوع ما بحياتو عنى لك وكل عمرك تقوليلي: الأمير والبيك والشيخ وأي لقب بالدني الإنسان ما بيستحقوا فقط بالوراثة وإنما عن جدارة».
تابعت: «أنت شيخة يا أمي بأخلاقك وبكيف عشتي كل حياتك حتى تدافعي عن المظلوم وتخلصي ناس من حبل المشنقة، عمري بحياتي ما عنيتلي المشيخة ولا عمري طلعت وتباهرت فيا رغم كل شخص قلي أنت عم تتلزقي فينا حتى تصيري وحتى تساوي».
وأكملت: «يسمحولي الكل، بس أنا مش محتاجة حدا لأن اللقب عندي بالعيلة منذ الأزل والتاريخ بيشهد وأنا حفيدة نجيب بك الخوري لو بدكن تشكوا براسكن ريشة وأمي شيخة أبا عن جد وابن الأصل ببين بأفعاله، سامحيني يا أمي سامحيني على ناس ضعفاء النفوس ما بيرحموا لا ميت ولا حي ولا مريض ولا كبير ولا صغير ولا فقير ولا غني».
وختمت: «المسيح والرسول ما قدروا قنعوا كل الناس بدنا نحنا نربين؟! ما فينا…بس ما رح اسكت لولا شخص بالكون جرحك بكلمة هيدا وعد مني، سامحيني».