نشرت الاعلامية ريهام سعيد صورة للفنان محمود العسيلي من خلال حسابها الشخصي على موقع التواصل الاجتماعى للصور والفيديوهات ” انستجرام”.
وعلقت ريهام سعيد على الصورة “قائلة” كنت دايما لما بشوفك بنتقدك عشان غرورك غير المبرر بس دلوقتي كرهتك الا كسر الخواطر النجوميه اخلاق” .
وتفاعل مع الصورة عدد كبير من مستخدمي ” انستجرام ” وجاءت التعليقات كالاتي.
هو اعتذر بس الاعتذار غير كافى ــ والله العظيم انتي عندك حق الواحد عنده كميه غل منه من ساعه ما شافه. اياك وكسر الخواطر ــ الفن اخلاق
يذكر ان الفنان محمود العسيلى تعرض لهجوم شديد، عقب انتشار مقطع فيديو له وهو يوجه الحديث لأحد افراد جمهوره الذي طلب منه التصوير، قائلا: ” حضرتك معاك واسطة عشان تتصور معايا”.
ثم قدم محمود العسيلي، اعتذارًا رسميًا على ما صدر منه في أزمته الأخيرة مع أحد أفراد جمهوره الذى كان يرغب فى التقاط صورة معه أثناء حضور حفل له.
وقال محمود العسيلي، عبر حسابه على موقع “إنستجرام”، “أي فنان عارف إنه من غير جمهوره ولا حاجة وصفر عالشمال، وإن من تواضع لله رفعه.. بعتذر بشدة لكل الناس اللي اتضايقت من الفيديو اللي انتشر وبعترف إني كنت غير موفق تمامًا في اختيار الألفاظ، ولكن الصورة والله ناقصة وكان كل نيتي عدم تمييز حد عن حد أثناء الحفلة. أنا آسف مرة تانية”.
وتابع محمود العسيلى: “النقطة التانية إني حاولت أقول للشخص اللي بكلمه إن ماينفعش عشان الناس دي كلها لازم تتصور 3 مرات برا المايك، ولكن هو كان لحوح جدا وكان مصمم وكان صوته عالي جدا وبيزعق وأنا مش عارف أغني، فللأسف قلتله كده بحسن نية وكل الكلام ده مش باين في الفيديو. اعتذار”.
وأضاف محمود العسيلى: “بعتذر لكل الناس اللي اتضايقت وأتمنى إني أكون عرفت أوضح الموقف”.
