نشر في 09-04-2019 الساعة 14:33

قرر الفنان أمير كرارة أن يحتوى غضب نجل الفنان محمود البزاوي بعد إعلان الأول عن البوستر الخاص بفيلم “كازابلانكا” والذي خلى من صورة محمود البزاوي .

وطرح أمير بوستر دعائي آخر يجمع بينه وبين الفنان محمود البزاوي عبر حسابه على موقع التواصل الاجتماعي إنستجرام معلقا عليها : “لو الحرب ابتدت هتزعل يا بزاوي، وقام بمشاركة الصورة مع أكرم ووالده.

وكان قد كتب أكرم تدوينة عبر صفحته على فيسبوك قال فيها: “مبدأيا ابويا ماعندوش اي فكره عن البوست ده انا ابويا طيب و يمكن طيبته دي هي اللي كانت سبب في تأخير نجاحه وأنه كتب من الباطن كتير مثلا زي ما قولت قبل كده و كان دايما بيعمل حاجات وتنجح ومفيش حد يعرف أنه له دور في نجاح العمل ده بس اللي كان بيصبره ان ربنا هيعوض”.

وأضاف أكرم: “وبعد ما قدر يوصل بدراعه للي هو فيه لسه في ناس مش مقتنعة بي .. بس ده حقهم لان مفيش حد عليه اجماع بس طالما مش مقتنع بحد يبقى ماتحرجوش وابعد عنه أحسن لأنه في نظرك مش الشخص اللي يفيد .. في رأي الشخصي ناس كتير بتعرف تتصور بس مش الكل بيعرف يمثل .. و اسف لو كنت منحاز اوي في كلامي لابويا بس زي ما قولت ده ابويا اللي نجاحه بيسعدني اكتر ما بيسعدني نجاحي”.

واختتم كلامه: “ملحوظة: أبويا قالي انه عامل دور مهم في الفيلم ده.. و يمكن بيكدب عليا و طالع كومبارس .. ساعتها هتأسف على البوست”


أحدث تعديل 09-04-2019 الساعة 14:33