تتصدر ملكة الاحساس النجمة اليسا الترند منذ قبل بدء عرض حلقتها في برنامج “بيت السعد” التي استضاف فيها النجمين أحمد سعد وعمرو سعد، وضمت خلال الحوار الكثير من النكات والمزاح والمغازلة أيضا.
بدأت الحلقة باستقبال حار من عمرو سعد لإليسا، وحضن قوي، ليعلق عليه أحمد سعد: “يا حبيبي الحضن دا في المطار بس”، وطلب عمرو سعد منها غناء “عايشالك”، ويقول لها “ملكة الإحساس”.
وخلال الحلقة، تحدثت إليسا عن مواصفات رجل احلامها، قائلة: “أنا مش صعبة أوي، بس اللي هيجذبني للشخص الكاريزما بتاعته، شكله ييجي بعد كدا، والكاريزما غير الشكل ونفس الشيء عند البنات، والشخص اللي عنده كاريزما أفضل من الشخص اللي شكله حلو”.
وقالت إليسا لعمرو سعد: “لو أنت سينجل ممكن كنت اتجوزتك لأنك شاب ومثقف وشكلك حلو”.
وتطرق الحديث خلال البرنامج لحديثها عن فكرة الزوجة الثانية، قائلة: “في كل الأحوال دي حاجة بتظلم الست، إلا لو في ظروف معينة، في الدين الإسلامي محللة، وفي الجيل الجديد أصبح قليل يعملوها، إلا لو في استثناءات مثل عدم الإنجاب، وأنا مع إنه يتزوج من أجل الأولاد بس مايسبهاش، ولو الست موافقة تبقى عقلها كبير، ولأن في ستات بيوافقوا عشان مش عايزين يتطلقوا”.
أما عن رأيها أن تصبح هي زوجة ثانية، قالت: لا أرفضه، أنا بنت بيئتي، أنا معنديش في الثقافة بتاعتي زوجة ثانية، وأوقات تدوس على قلبك، كنت على علاقة بشخص مسلم، ومتزوج وتركته، رفضت أن أبني سعادتي على حساب شخص أخر، وعمري ما أعملها تاني”.
وأضافت: عرفت في النص أنه متزوج.
أحمد سعد سأل اليسا عن المساكنة، قائلا: “إبني بيدرس في أمريكا، وحكى لي ذات مرة عن صديقة له عندها مشكلة في البيت، وبيتها بعيد فقال لي (هتيجي تقعد معايا أسبوعين)، قلت له: (يعني إيه هتيجي تقعد معاك أسبوعين، مش فاهم؟)”، لترد عليه إليسا: “إيه المشكلة؟ القانون في أمريكا بيسمح بفكرة المساكنة، ولو أنت بتقول إننا مجتمع شرقي، ليه خليته يدرس في أمريكا؟”.
ورد عليها أحمد سعد قائلا: “وديته أمريكا عشان يتعلم، إحنا لينا المبادئ بتاعتنا، لو روحنا في أي مكان لينا المبادئ بتاعتنا”.
وتطرق الحديث مع إليسا عن رأيها عن المساكنة، وقالت: “أنا مش ضد فكرة المساكنة، لأن أغلب الزواج الذي لم ينجح لأن الطرفين لم يعيشوا مع بعض لفترة أطول وأكبر فنسب الطلاق زادت لأن الطرفين لم يعيشا مع بعض، أنا مع فكرة المساكنة ولست ضدها ولو القانون بيسمح بهذا الأمر يطبق، والمساكنة في أمريكا طبيعية”.
وعلق عمرو سعد على المساكنة قائلا: “أنا ضد الموضوع ده تماما، أني أجيب بنت تقعد مع ولد عنده 16 سنة دي قلة أدب، لأن أكتر حد بيتأذي في الحاجات دي هي البنات، حتى في أوروبا البنات بتتبهدل بسبب العلاقة دي”.
يُذكر أن برنامج “بيت السعد” يعرض في الحادية عشر مساء الأربعاء على MBC 1، ويعاد يوم السبت الساعة 9 مساءً على شاشة “MBC مصر”.