طرح المطرب عمر كمال أغنية جديدة بعنوان قطر جيلك، على يوتيوب وجميع المنصات، ويشاركه فيها مطرب المهرجانات حسن شاكوش.
وأغنية قطر جيلك من كلمات مصطفى الجن، وألحان منعم، وتوزيع إسلام ساسو، والفيديو كليب من إخراج حسام مجدي.
وتقول كلمات الأغنية: واحدة واحدة يا قطر جيلك
عارف إن مفيش بديلك
إنتي أصلا مين يجيلك
في الدلع ولا الجمال
عادى خليهم يقولوا
القمر فوق مين يطوله
دا البطل لحظة وصوله
خطوته بتعمل زلزال
بطل مجاش اللى ينيمه
ويقف قصاد سحره ويهزمه
كل اللى يتحدوكى سلموا
يا نمبر وان في الجامدين
عرشك مجاتش اللى تهدده
منك مفيش وبيستوردوا
وياعيني بيحاولوا يقلدوا
وبردو جمبك مش باينين
كله يصحاله ويفوقله
دا الفرس نازل بتقله
ممكن الملعب يروقله
اصحو وحش الكون حضر
مين على الكوكب دا قده
كلهم قدامه هده
لا صراحة الله يهده
ممنوعات والعود خطر
عسل قمر من غير أفورة
لا شغل ميكب ولا فلترة
لمبة كده ماشية منورة
كشاف جمالك يعمى العين
أسد وعودك عود مفترى
تتحسدى لازم تتبخرى
فتحتى نفسى على الجمبرى
وع الجواز وماليكى يمين
بشويش على الأرض حبة
الشارع مش حمل دبة
خف حبة تزيد محبة
احنا مش قدك يا جامد
حد فيكو يروح يقوله
يهدا بالجمدان دا كله
لو لمحته أنا مش هحله
ده اللى خلاه مشاعري قامت
دنا ازلزل الكوكب زلزلة
بس تقوليلى بحبك يلاااا
وتحطى لينا صورة ع الحالة
وسهم راشق بين قلبين
عاشقك وعشقى ملوش ترجمة
يا ملاك رقيق نازل من السما
بطلت من بعدك رمرمة
ونويت اكمل نص الدين