ابراج الجمعة 20 أكتوبر
الحمل♈
دموع الفرح عم تنزل منك اليوم وعم تتعرف على عالم كتير وفرحتك رح ترجع متل قبل وأحسن
الثور♉
البعض منكن عم ينشغل بسيارتو بس التصليحات بسيطة والباقي عم ينشغل مع أهلو كل الوقت
الجوزاء♊
عم تطلع مع رفقاتك لتغير جو وصار لازمك هيك طلعا لتريح نفسيتك بعد كل التعب يلي تعبتو
السرطان♋
اليوم يومك وحظك عم يكون حلو من كل النواحي خصوصاً عاطفياً لهيك ستغل هالشي لصالحك
الأسد♌
كلشي كنت مخطط كرمالو بلش يصير متل ما أنت بدك وأحسن كمان بس ما تخبر حدا عن التفاصيل
العذراء♍️
عم تكون شخص كتير حنون اليوم أو بشكل عام هي الفترة بس ما تكون هيك مع مين ما كان
الميزان♎️
المواضيع يلي صرلا فترة كتير طويلة مشغول بالتفكير فيها قربت تنحل لهيك تطمن والبعض منكن عم ينعزم بين اليوم وبكرا
العقرب♏️
عم تتصالح أنت وحدا من رفقاتك بعد مشكلة طويلة بيناتكن وهو يلي عم يبادر للصلح
القوس♐️
بدك تنشغل بالتجارة هالفترة وصح في عندك تعب كبير كتير بس بالنهاية كل أمورك رح تكون عال العال
الجدي♑
أغلب وقتك عم تقضي نايم بعد كل التعب يلي تعبتو أخر يومين وفي خبر عم بخص شغلك رح يفرحك
الدلو♒️
موضوع العقارات والانشغال مع العالم يلي حواليك رح يبلش ياخد منك كل وقتك بس في أستفادة مادية كبيرة
الحوت♓
في عندك قرارات مهمة بدك تبلش تاخدها من بداية الأسبوع ما تستعجل عليها لتكون كسبان بالنهاية