طرح المطرب هاني شاكر مساء اليوم أحدث أغانيه بعنوان بلاد البخت على صفحته الرسمية بموقع الفيديوهات الشهير يوتيوب.
الأغنية من كلمات كريم حكيم وألحان مصطفى شوقي ومن توزيع ميدو مزيكا، وتعتبر هذه الأغنية هي الثالثة لهاني شاكر خلال هذا الموسم، حيث سبق وطرح من قبل أغنية مروق والكبير.
وتقول كلمات الاغنية
قليل البخت لو سافر بلاد البخت
هيرجع منها شايل نحس برضه في يخت
ده إيده على الدهب تتحط يبقى تراب
يخبّط عالحظوظ تقفل في وشه الباب
في ناس حظوظ ف السما .. و ناس حظوظهم تحت
قليل البخت لو يطلعله ١٠٠ مارد
فانوس الحظ من إيده يقوم مكسور
يقول الحظ بكرة و كل شئ وارد
يشوف أحلامه قطعت فجأة مياه و نور
قليل البخت إمتى الدنيا تضحك ليه
بقاله سنين واقف على بابها دور في طابور
قليل البخت لو رايح بلاد الفرح
و قالوا هناك شجر فرح و بيطرح طرح
و قالوا هناك علاج كل اللي عاش محتار
و ناس صبحت قلوبها رماد و طفّوا النار
هيرجع منها شايل ألف شجرة جرح
قليل البخت لو يطلعله ١٠٠ مارد
فانوس الحظ من إيده يقوم مكسور
يقول الحظ بكرة و كل شئ وارد
يشوف أحلامه قطعت فجأة مياه و نور
قليل البخت إمتى الدنيا تضحك ليه
و يرجع من بلاد البخت يوم مجبور
طرح الفنان هاني شاكر، أغنية جديدة له تحمل اسم مروق، عبر موقع الفيديوهات يوتيوب ومنصات الموسيقى الإلكترونية المختلفة، مستخدما تقنية الذكاء الاصطناعي AI في فيديو الأغنية.
أغنية مروق لـ هاني شاكر، من كلمات وألحان: مصطفى شكري، وتوزيع: أحمد أمين، وإنتاج: محمد علام كيوب ميوزك، ميكس وماستر أسامة الهندي.