أثارت أغنية خمسة جدلًا كبيرًا، بعد أن طرح الفنان محمد رمضان الأغنية ضمن أحداث فيلمه الجديد ع الزيرو، ولكن اتهمه مؤدي المهرجانات كزبرة بسرقة كلام وألحان الأغنية من إحدى أغانيه، واستطاع أن يحذف أغنية محمد رمضان من موقع الفيديوهات يوتيوب.
كشف محمد خالد مدير أعمال مؤدي المهرجانات كزبرة، حقيقة اعتداء بودي جاردات محمد رمضان على كزبرة، بعد أزمة أغنية خمسة.
وقال مدير أعمال كزبرة في تصريحات خاصة لـ القاهرة 24: مفيش الكلام ده، دي مشكلة على أغنية هو كان واخدها، ولينا حقوق ملكية فيها، وواخد كلام من أغاني لينا، وقفلنا الأغنية بتاعته خلاص ومبقتش موجودة، كان سارق اللحن والكلام، ولكن أي حاجة تانية مفيش، وكزبرة كان بيهزر.
وسبق ونشر مؤدي المهرجانات كزبرة، فيديو له عبر حسابه الرسمي بموقع التواصل الاجتماعي فيس بوك، قال فيها: بالنسبة لمحمد رمضان الجاردات اللي أنت بعتهملي أنا مبخافش ومبعتمدش والجارادت أنا رابطهم ومصورهم في فيديو كليب عليا الطلاق كله بيكدب.
وأضاف كزبرة في فيديو آخر عبر حسابه الرسمي بموقع الصور والفيديوهات إنستجرام: فيديو كليب عليا الطلاق كله بيكدب دلوقتي على اليوتيوب، وفكرة الفيديو كليب عجباني أوي علشان بوصل فيها رسالة، الشخصية بتاعت الكليب عجباني وكوميدي، بقالي فترة مقضيها كدب وعامل الواد الشبح، بس أنا مش هكدب تاني.