نفت الفنانة والمطربة بوسي، تصريحات طليقها بأنه أنتج لها أغانيها وإنفاقه عليها طيلة سنوات زواجهم، مؤكدة أن جميع أغانيها هي من دفعت تكاليفها، ولكن التنازلات كانت باسم طليقها، والذي استغل صغر سنها وعدم فهمها في القانون على حد قولها.
وقالت بوسي خلال لقاءها في برنامج حبر سري الذي تقدمة الإعلامية أسما إبراهيم : “طليقي بيقول أنه صرف عليا، جيبوا صوري زمان وشوفوا منظري، دا منظر واحدة اتصرف عليها الأرقام اللي هو كان بيقولها؟ دا نفس شكلي دلوقتي؟ مش منطقي، وكمان أنا اللي كنت ست وراجل البيت وأنا اللي كنت بصرف”.تصريحات الفنانة بوسي
وتابعت: “حتى الأغاني من فلوسي ولكن هو كاتب التنازلات باسمه هو علشان كده بيقول إنتاجي، لكن اللي اتعامل معايا ومعاه من جوا وبره الوسط عارفين دي فلوس مين، وأنت جبت منين الفلوس دي كلها اللي صرفتها عليا؟ مش جيجي لامار أنت يعني”.
وأضافت أن طليقها كان يستحوذ على نسبتها المادية من أغانيها وأعمالها، قائلة: “هو كان مدير أعمال قبل ما نتجوز، وهو مكنش منتج، هو مش نصر محروس علشان أمضي معاه إنتاج، وهو مدير أعمالي هيصرف عليا الأرقام دي؟ كان بياخد نسبة ولكن هو كان بياخد الفلوس اللي أنا المفروض آخدها، ونسبته كنت أنا اللي باخدها، هو استغل إني صغيرة ومبفهمش في القانون”.