وجه تامر حسني الشكر لسارة وفيق، مخرجة فيلمه الجديد تاج، الذي انتهى من تصويره مؤخراً، وينافس به في موسم عيد الأضحى المقبل.
ونشر تامر صورة تجمعه بسارة وفيق عبر خاصية استوري حسابه بـ انستجرام، وعلق عليها قائلاً: يا أستاذة سارة أنتي مخرجة عظيمة وتستحقي كل الدعم أنتي وكل فرد اشتغل في الفيلم ده.
وتابع: ثقتي الكبيرة فيكي وفي كل أفراد العمل، هي اللي خلتني مشغلش ولا عنصر أجنبي في فيلم تاج، ويبقى فيلم مصري 100 % بقيادة شباب مصري 100%، ده غير إنك مخرجة مختلفة وقلبك جميل، وعملتيلي فيلم من أعز أفلامي (فيلم مش أنا).
واختتم حديثه: النهاردة بتخرجيلي فيلم كنت بحلم أعمله من وأنا طفل، يعني كنتي بتخرجيلي حلم مش مجرد فيلم، وده من ثقتي اللي ملهاش حدود فيكي، ربنا يوفقك، ويكرمك أنتي وكل حد اشتغل من قلبه في الفيلم ده ويكرم كل الناس يارب.
ويشارك في فيلم تاج بجانب تامر حسني، كل من دينا الشربيني، ساندي، أحمد بدير، هالة فاخر، وليلى عز العرب، والعمل من تأليف تامر حسني وإخراج سارة وفيق.