أعلن إيهاب صالح، عن انفصاله رسميا عن ادارة اعمال الفنانة شيرين عبد الوهاب، بعد ما يقرب من 3 شهور، وطرح السؤال عن هوية مدير أعمالها المقبل.
وشارك إيهاب صالح مؤخرا في الاتفاق على حفل شيرين عبد الوهاب في جدة بالمملكة العربية السعودية، وهو الحفل الذي حقق نجاحا كبيرا.
وكتب إيهاب صالح، عبر حسابه الشخصي بموقع تويتر: «جمهور شيرين العظيم الحمد لله على نجاح حفل جدة كما كان متوقعا، وده العادي بتاع شيري في أي حفلة، أجلت الإعلان بالقرار ده لحد بعد الحفلة، وحابب أشكركم جدا على كم الدعم الرهيب في خلال الفترة اللى فاتت ليها في المقام الأول، وطبعا بعد كده ليا».
وواصل صالح كلامه: «قررنا إن من الأفضل لينا إن نحط صداقتنا والعشرة قبل أي حاجة، وإني أبتعد عن إدارة أعمالها، وده أكيد لمصلحة الطرفين ولينا أسبابنا، مبروك وشكرا يا شيري من كل قلبي ويا رب أكون على قد وعدي وكلمتي ليكي، أني دايما في ضهرك والحمد لله الدنيا دارت من أول وجديد وتكسري الدنيا حفلة بعد حفلة، وخلاص أهو الألبوم على أبواب، ومتأكد أنه هينجح نجاح غير عادي».
وواصل مدير أعمال شيرين عبد الوهاب صالح كلامه: «فرحان بشكل ملوش وصف بنجاحك، ورجوعك بالقوة دي وده إللي اتعودنا عليه منك طول السنين دي، أنا كده كده دايما موجود زي ما انتي عارفة، وربنا يديم كل اللى بينا على خير وآسف لو في أي لحظة كنت قصرت معاكي بأي شكل، أحب أشكر كمان جمهورك أكيد إللي مشوفتش منه غير كل خير وحب، شكرا بجد من كل قلبي».
وفي النهاية، وجه إيهاب صالح رسالة لـ شيرين عبد الوهاب، قائلا: «ربنا دايما يحبب فيكي خلقه، ويبعد عنك أي شر بكل أشكاله ويكتبلك السعادة، أتمنى التوفيق لمديرين الأعمال الجايين، وأدعمهم دايما بأي شكل أكيد عشان تفضلي دايما على القمة».
الخبير القانوني حسام لطفي ” محامي الفنانة شيرين عبد الوهاب”، في تصريح خاص لـ”مصراوي”، أجاب على سؤال عن هوية مديرأعمالها المقبل، وقال ،:” لم يتم تحديد ذلك بعد”.
كما اعلن ايهاب صالح عبر تويتر عن تعاقده لادارة اعمال الفنانة كارمن سليمان وكتب:” سعيد و بتشرف جدا انى أعلن إن من النهاردة مسكت رسميا إدارة اعمال النجمة كارمن سليمان. كارمن حد موهوب فوق الطبيعي، شخصية في منتهي الجمال و الرقي و من وجهة نظري هي المستقبل عشان عندها كل الامكانيات و هي عارفة إني فان كبير ليها من قبل مشتغل معاها فعلا. كارمن إن شاء الله الميجاستار القادمة من مصر للكل الفترة الجاية و افتكروا كلامي ده كويس.
وتابع:” طول حياتي بحب التحدي و الحمد لله بكرم و توفيق من ربنا كبير دايما بكون قد التحدي. شكرا على كل الدعم من كل الناس و كل الامنيات الجميلة الفترة إللي فاتت و أللى جاي إن شاء الله. املى فيكم كبير بعد ربنا سبحانه وتعالى.
لجمهور كارمن بقي، الكل يجهز نفسه كويس عشان إن شاء الله في اخبار كتير حلوة و جامدة قريبا و يا رب ابقي عند حسن ظنكم.
وتابع:” و برضه عشان الشكر وأجب ، حابب اشكر مهندسين الاتفاقية دي
– الاخ الأكثر من عزيز و الصحفي المحترم، محمد عاشور
@MohamedAshour – الملحن و الفنان أللى خارج الصندوق تماما و الاخ العزيز مصطفي جاد
@MostaphaGad – إللي دايما في ضهري كدة كدة و مع أي قرار و خطوة ، الشاعر العبقري و أخويا الصغير مصطفي ناصر و طبعا اكيد علي رأس دول كلهم أهلي الغاليين، بيتي و المقربين ليا في شغلي و من الوسط ، ربنا يخليهم ليا و يديمهم في حياتي. “ربي اجعل النجاح رفيق دربنا ووفقنا لما تحبه وترضاه”