أشاد المخرج محمد سامي بالنجاحات التي يحققها رفقة الفنان محمد رمضان وكان آخرها في مسلسل “جعفر العمدة” الذي يتم عرضه خلال شهر رمضان الحالي.
وقال محمد سامي خلال حواره مع برنامج et بالعربي: “بيني أنا ومحمد رمضان كيميا واستيعاب أفكار بعض مش كل الممثلين أقدر أطلب منهم نفس الطلبات اللي بطلبها من رمضان، أنه يعملها في التمثيل، لأن قدراته غير عادية، ويجعلني أكتب وأنا مرتاح”.
وعن كواليس التحضير لمسلسل “جعفر العمدة” قال محمد سامي: “أول شئ قولته لرمضان عن شخصية جعفر العمدة، أنه جنتل مان شعبي، اتصلت بمحمد قبل التصوير بأسبوع لأقول لو “جعفر” متقدمش بطريقة يتحب ويدخل القلوب مش هينجح، وهو بيتناقش قبل كل شغل ووعدني أنه هيقدم أقصى ما عنده”.
وعن رأيه بأفضل ممثل في مصر بالفترة الحالية قال محمد سامي: ” أنا أحب وأحترم كل الممثلين ولكن في رأي أن محمد رمضان الأفضل، فهو أشطر ممثل في مصر ومش عايز حد يبقى زعلان من اللي بقوله لكن الحقيقة محمد قدراته التمثيلية مش عادية في ممثلين كتير وكلهم لا يستهان بهم لكن هبقى دايما منحاز لمحمد رمضان، لأن أكبر نجاحاتي معاه ومفيش مرة اعتمدت عليه وخذلني، وبقول دايما بدي لمحمد سنتيمتر يرجع متر”.