وجّهت الفنانة أصالة نصري رسالة للإعلامية اللبنانية جيسيكا عازار وزوجها رجل الاعمال محمد صوفان وذلك بعد أيام على حضورها حفلة زفافهما التي أقيمت في صيدا جنوب لبنان.
ونشرت أصالة مجموعة من الصور لعازار وزوجها ليلة زفافهما حيث انها شاركتها فرحتها.
وعلّقت عليها كاتبة رسالة مطولة : “لأنّي بحسّ باخد من هواها أوكسجيني للحياة بفرح مرتين لمّا بيزيد فرحي بلقاها فرح لإخوه وأصحاب بدّي شوي أحكي عنهم اتنينهم ببدى بجيسي (الإعلاميّة الكبيرة جيسيكا عازار) اللي صمّمت مع حبيبها وشريكها يكون الفرح بلبنان رغم الظروف القاهرة وكان فرح غاية بالبساطة ومليان محبّة وشموع كتار وغمرت كلّ المكان اللي مزيّن شجر لبنان وبساطة العشب الأخضر بضحكتها الطيّبة وفرحتها الطفوليّة .. وعريسها الغالي جدّاً الحبيب الصّديق محمّد صوفان اللي من سموّ أخلاقه مافي كلام ينصفه .. وجمع فرحها أحلى الأصحاب اللي كلهم من أقرب أحبابي وصحابي وناسي .. لبنان فعلاً تعبان بس أهله رح يعينوه ويسندوه ويفرحوا ويضحكوا ويغنّوا ويرقصوا ليرجع بقوّتهم يقوى .. شكراً جيسيكا ومحمد ياقمرين الله يحفظكم على هالشعور الحلو اللي عيّشتوني فيه بهاليومين يا أخواتي منّ أمّي وحبيبة روحي ومثلي الأوّل والدّائمّ السيّده الجميله بيروت”.
وأجابتها عازار بالقول: “أصولتي الغالية منحبك قد الدني، انت اخت وصديقة وعيلتنا فيكي بتكبر وبتحلى بروحك الحلوة وقلبك الكبير وصوتك الرااااااائع وخفة دمك يللي ما في متلها بالعالم وين ما بتكوني بتزرعي حب وفرح وانشالله يا رب كل ايامك نجاح وسعادة وحب ما تطولي علينا ناطرينِك love u Solatiiio”.