نشر في 10-11-2020 الساعة 11:07

قال الممثل المصري محمد فراج خلال لقائه في برنامج  “It’s Show Time”، تقديم الإعلامية دينا حويدق المذاع على قناة cbc ان : “خالد جلال بالنسبالي فى حتة لوحده لأنه لى فيا كتير، وأستاذى وجميله على راسي، وهو عنده عين ثاقبة بخلاف خبرته وموهبته فى المسرح وإظهار العمل والممثل بشكل مختلف وجيد السمعة، وبيعرف يشتغل أوى على الممثل نفسه”.

وأضاف فراج: “أنا مش بخجل من أي عمل عملته سواء كان كبيرا أو صغيرا، وكل شخص بشتغل معاه بتعلم منه سواء كان ممثل أو مخرج أو مؤلف”.

وتابع: “السوشيال ميديا ليها جوانب مهمة ومفيدة، ولكن بحب ردود الفعل اللي في الشارع، وأنا مش بحب السوشيال ميديا لأني مش بحب قلة الأدب والتجاوزات والمرض والجهل، عشان أقرأ شتائم وألفاظ وتنمر، وناس بتتدخل في حاجات مش بتاعتها، فأنا بعتبرها بلاعة اتفتحت”.

يذكر أن احدث أعمال محمد فراج فيلم “الصندوق الأسود”، من قصة وإخراج محمود كامل وسيناريو وحوار أحمد الدهان وهيثم الدهان، وبطولة منى زكي، محمد فراج، مصطفى خاطر وشريف سلامة وأسماء جلال، ومن إنتاج سينرجي وأفلام مصر العالمية، ونيو سينشري.


أحدث تعديل 10-11-2020 الساعة 11:09