قال النجم أمير كرارة، خلال لقائه بصحبة المخرج بيتر ميمي في برنامج “صاحبة السعادة”، تقديم الإعلامية إسعاد يونس المذاع على قناة Dmc، العساكر اللي كانوا واقفين في المشهد اللي بشرح لهم في “الاختيار” هنعمل إيه كانوا عساكر بجد وحقيقة مش مجاميع وممثلين، وكانوا في كل مشهد بيسمعوني بجد ومنتبهين جدا وكأني أنا الضابط، لأن كمان الضباط كانوا مفهمينهم أننا مش بنعمل مسلسل وأن اللي بيحصل ده كأنه بجد وحقيقي.
وأضاف أمير كرارة ، حسام شوقي مشرف عام الإنتاج بشركة سينرجي قالنا في وقت كورونا لو خايفيين تنزلوا الموضوع اختياري عادي ونأجل المسلسل للسنة الجاية، ولكن كلنا رفضنا وقررنا ننزل نكمل تصوير لأننا بنعمل حاجة للبلد ومهمة، وأخدنا احتياطاتنا وخلاص والحمد لله كلنا طلعنا زي الفل.
وتابع أمير كرارة، أنا بحب جدا محمد دياب وهو شاطر جدا ومن أنضف وأحلى اللي موجودين في الوسط الفني، والميزة اللي فيه أنه لما بيعمل دور بيعلم فيه أوي، وأشار بيتر ميمي إلى أن عين أمير كرارة كانت هتضيع بسبب رصاصة مرت من جنب وجهه في مشهد جمعه بمحمد دياب.
كان الرئيس عبد الفتاح السيسى، قد أشاد بصناع وأبطال مسلسل “الاختيار” الذي عرض فى شهر رمضان الماضى، وحقق نجاحًا ساحقًا، حيث قال: “ما تم تقديمه فى الاختيار لم يكن به مبالغة، وكانت وقائع حقيقية رغم ما حملته من قسوة للمصريين، وهذا أمر لافت للنظر، والمسلسل كان رسالة إلى مصر والخارج أيضًا، قائلاً: “الشكر لكم مش على الجهد المبذول.. ولكن الفكرة التى تم تقديمها أكثر من رائعة وعظيمة”.