هاجم الشاعر تامر حسين من خلال حسابه الشخصي بموقع التواصل الاجتماعي “فيسبوك” الفنان زكي فطين عبد الوهاب بعد هجومه الشديد على النجم عمرو دياب.
وقال تامر حسين “احيانًا يبقى عندك واحد صاحبك مُهندس يجيلك دور برد يكتبلك روشتة علاج وخُد ده وهات ده وده هيخليك زى الفُل بكرة من غير ما يفهم ان كل دوا م اللى بيقترحوا له آثار جانبية وتركيبات كميائية وانه اساسًا مش دكتور والله مادكتور 😂ولا خريج طب ده الأستاذ خريج هندسة”.
وأوضح تامر حسين “يعنى كل شُغله رسومات ومباني ولا دخل مستشفى ولا عنده خبرة انه اساسًا يدى حُقنة بس ازاى مايقولشي رأيه !!… اهو ده بالظبط الظاهرة المنُتشرة فى مجالنا الفنى وتحديدًا مجال (الغُناء )من غير المتخصصين فى الصناعة والإستهتار والإستهوان بصناعة عناصرها شاعر وملحن وموزع ومُهندس صوت وناس خريجين معهد موسيقى وتربية موسيقية وغيرهم من التخصُصات ومطرب ورؤية فنية ومراعاة ذوق عام للجمهور ومعادلة وحسبة مُعقدة ”
واضاف: “نيجي بقى ل بوست الأستاذ قالك افلاس آخر( ٢٠ سنة يعنى حضرتك ابتداءً من تملي معاك مثلًا اللى غير شكل الأغنية وقربنا للعالمية والا حضرتك قصدك مثلًا أكتر واحد بيحبك اللي خد أورد ؟ والا انا عايش الأشهر والأجرأ موسيقيًا فى مسيرة الفنان عمرو دياب والا ليلى نهارى اللى اترجم معظم اغانيه لـ لُغات العالم ؟ طب ممكن يكون قصدك وياه اللى كان فى وياه أفضل اغنية فى افريقيا ( اللى هى قارة) مش بكلمك ع المهندسين فقط ”
وتابع تامر حسين “طب سيبك من البومات تانيه والا الليله اللى خد ٤ جوايز أورد والراجل رفض يروح يستلمها واكتفى بـ فيديو وهو فى بلده والا ايه والا ايه والا ايه طب حضرتك ماشفتش نجاح يتعلموا فقط بما انى واحد من الصُناع ف ادافع عن نفسى مش هقولك البومات اخر ٢٠ سنة طب ”
وتابع تامر حسين ” ماحدش قالك ان آخر البوم الراجل مغير ومواكب كل الأذواق والأجيال ومغير قاموس الكلمة يوم تلات ..قدام مرايتها… عم الطبيب… مهرجان ”
وانهى تامر حسين منشوره ” الحقيقة انا عندى إستياء من مُجادلة (وجهل من لا يفقه ) والاستخفاف والإستهتار بصناعة كاملة بشعراء وملحنين وموزعين ومهندسين صوت بمطرب ناجح بقاله ٣٥ سنة ارحمونا انت بتنصر المهرجانات من حيث الشكل الموسيقى ? والتنوع مثلًا اللى هو فين ؟ احنا عندنا اكتر من نوع موسيقى نقدمه هاوس لاتين مقسوم وغيره ده لو ع المزيكا اما لو بتنصر نوع الكلام و خمور وحشيش … وأمك صاحبتى ومطوتى وغيرهم من الالفاظ والمصطلحات اللى أخجل اكتبها ؟ دى حاجه تانيه بقى”
ويذكر ان قام الفنان زكي فطين عبد الوهاب، بمهاجمة عمرو دياب، من خلال حسابه الشخصي على موقع التواصل الاجتماعي “الفيسبوك”.
قال زكي فطين، :”انا عارف ان في ناس هتزعل من الكلام اللي هقوله .. لكن بعد الهجوم الشرس على اغاني وموسيقى المهرجانات.. نفسي افهم عمرو دياب الملقب بال “هضبه” .. بمناسبة ايه”.
وتابع :”اغانيه والحانه وكلمات اغانيه هي هي من ٢٠ سنه .. ده افلاس فني مابعده افلاس .. اغاني الـ “مهرجانات” فيها تجديد وابتكار وتنوع اكتر بكتير غصب عن الملحن الفذ “حلمى بكر” .