أعلنت مقدمة البرامج المصرية ناردين فرج عن رغبتها في عدم الاستمرار بالموسم الثالث من برنامج “The Voice Kids”، من دون الكشف عن التفاصيل التي دفعتها لاتخاذ هذا القرار.
وقالت ناردين في الفيديو الذي نشرته عبر حسابها على “إنستغرام”: “إعلان مهم، أنا فضلت إنكم تعرفوا مني أنا، مش هكون موجودة في آخر حلقتين من ذا فويس كيدز، آخر حلقة ليا هي اللي جاية، بتمنى التوفيق لكل العاملين في الموسم الثالث، أنا بجد بحبكم ومش هنسى الذكريات الحلوة اللي قضيناها مع بعض”.
وأضافت:”بأكد أن (إم بي سي) بيتي التاني بعيد عن بيتي، الناس دي اشتغلت معاهم 7 سنين، وكلت معاهم عيش وملح، ومتأكدة إنهم يهمهم مصلحتي وبيخافوا عليا وكبرت معاهم، وعارفين أنا بحبهم قد إيه، الأهم بالنسبالي إن الواحد لما يمشي من مكان لازم بصمة وسيرة حلوة، ومتأكدة إن أنا نجحت في ده، ونهاية مشواري في ذا فويس كيدز، مش معناه نهاية كل شيء”.
وتستعد ناردين لتقديم برنامج “التاسعة” برفقه الإعلامي وائل الإبراشي على شاشة القناة الأولى المصرية، وخلال هذه الفترة تجهز ناردين لبروفات مكثفة استعدادا للبرنامج الجديد.