قالت النجمة المصرية يسرا، خلال ندوة فنية أقامها معرض الكتاب، إن أول أعمالها كان فيلم “قصر في الهواء”، وحصلت على أجر وصل إلى ألف جنيه، وهو رقم ضخم وقتها.
وأشارت يسرا إلى أن الفيلم فشل ولم ينجح وسحب من دور العرض بعد 3 أيام عرض. وأوضحت النجمة أنها لن تستسلم وكانت دوما تبحث عن أسباب عدم النجاح وتقف على قدميها وتحاول من جديد.
في جانب آخر نفت النجمة الكبيرة يسرا مؤخرا إصابتها بمرض سرطان الدم، موضحة، أن بعض الناس فهمت حديثها في أحد البرامج التي ظهرت فيها مؤخرًا بشكل خاطئ.
وقالت النجمة الكبيرة يسرا من خلال رسالة نصية : “مساء الخير على كل الناس الحلوة الطيبة اللي بتسأل عليا وخايفة عليا، ربنا يخليكم يارب ليا بس عايزة اطمنكم، أنا لما كنت بتكلم في برنامج “علمتني الدنيا”، كنت بقول كانوا شاكين إن عندي لوكميا “سرطان الدم”، من فترة طويلة وقعدت في الشك ده 3 شهور، وأنا الحمد لله بخير كويسة ماعنديش حاجة ربنا سترها وطلع التشخيص غلط، والكلام ده كان من 15 سنة“.
وأضافت النجمة الكبيرة يسرا في رسالتها الصوتية: “بقول لجمهوري الحبيب الغالي بشكركم جدا على دعاكم وبشكركم جدا على خوفكم عليا، وعاجزة عن الشكر، ومهما هقول ما أقدرش أوفى الحب الكبير ده، ربنا يخليكم ليا، وبشكركم أوي أوي أوي، والله العظيم أنا ربنا مديني الخير والصحة، الحمد لله أنا كويسة جدا جدا على الخوف، عايزاكم دايما تدعولي، لأن بحتاج الدعاء على طول، وربنا يحفظكم انتوا كمان من كل شر“.
وأنهت النجمة الكبيرة يسرا حديثها مع اليوم السابع، قائلة :”الحمد لله صحتي كويسة، وبشكركم جدا على اهتمامكم، وبشكر جدا الناس اللي خافت عليا، وبحبكم وميرسي على الدعوات اللي أنتوا باعتوهالي، بس الحقيقة أنا بطمنكم إن مفيش أي حاجة فيا، ما عنديش المرض ده، ربنا يعافينا ويعافيكم”.