أثارت الفنانة شذى حالة من الجدل على مواقع التواصل الاجتماعي بعدما كشفت عن تطورات الحالة الصحية للنجم هيثم شاكر بعد إعلان إصابته بالسرطان منذ سنوات وتعافيه .
وكتبت الفنانة شذى من خلال حسابها على موقع التواصل الاجتماعي فيسبوك :” من إمبارح بيجيلي تليفونات اللي زعلانين مني علشان أنا من أصحاب هيثم القريبين، وكنت عارفة ومقولتش على مرضه، واللي أصلا بيشكك إن هيثم كان تعبان”.
وأضافت شذى: “عموما علشان مش هينفع أرد على كل المكالمات، هيثم كان فعلا مريض بمرض خطير، ربنا يبعد كل شر عن أي حد يا رب، والحمدلله هو تعافى بس لسه في حاجات كتير محروم منها وأهمها حاجة أساسية لأي كائن حي، وهي نعمة الأكل، وهيفضل كده ميقدرش ياكل بشكل طبيعي، وده سبب اختفائه كل الفترة دي”.
واستكملت شذى :” “وبسبب دا فقد كتير جدا من وزنه، عموما محدش بيسيب نجاحه بمزاجه ويختفي، ومش معنى إن أي حد بينزل صور ولا بيبين إنه مبسوط إن دي بتكون الحقيقة، كل واحد عنده حته مستخبية محدش عارف عنها حاجة، أنا كتبت كده علشان محدش يلومني ليه مكنتش بقول وعموما، برضوا هيثم هو اللي مكنش حابب حد يعرف حاجة عن كل معاناته دي علشان أصحاب النفوس المريضة ميفهموش إن هو بيعمل أي حوارات علشان يبرر بيها غيابه، ولما قرر يعرف جمهوره وأصحابه عرفهم، وهو منور وفرحان بنجاح ألبومه اللي في وسط كل ده كان مهتم برضه مينزلش بأي حاجة، وكان عنده إصرار يعمل ألبوم محترم”.