هاجم الشاعر بهاء الدين محمد، الفنانة أنغام بعد مشاهدته لحلقة تلفزيونية للأخيرة، والتي قالت خلالها إن أغنية “أكتبلك تعهد” كتبتها مع بهاء الدين محمد، كما اشتغلت على لحنها لتخرج بهذا الشكل، كما قالت إن الأغنية لم يتم تقديمها قبلها لسميرة سعيد.
ورد بهاء الدين على هذه الأقوال على صفحته الشخصية بموقع “فيسبوك”، وكتب “سميرة سعيد بتقول الحقيقة وفعلا كانت عندها الأغنية ولكن اختلفنا على لحنها وما كانتش سبب زعلنا خالص ولها كل الاحترام”.
وأضاف “بعدها سمعت أغنية “أكتبلك تعهد” لأنغام وكتبت أكتر من كوبليه كعادتي وزي ما باعمل مع عمرو دياب مثلا، ولكن الملحن الفنان إيهاب عبد الواحد كان حيسيب الكوبليه اللي سمعتوه ولكن أنغام أصرت إنه يلحنه وقالتلي هو يتعب لأنك كاتب كوبليه هايل وهو ده اللي حصل بالظبط”.
وتابع قوله “لا يصح أن يقول أحد لي أكتب إيه ولا مطرب ولا مطربة وإلا كانوا عملوا من غيري شعراء وكان لازم أوضح لأن كلمات أكتبلك تعهد كانت سبب مهم وأساسي في نجاح الأغنية مع احترامي للملحن والمطربة ولكن لن أقبل حد يقول إنه بيشاركني في دوري لأن الأغنية دي بالذات غيرت الخريطة والمراكز وأنا شاعر له ٢٥٠٠ أغنية مفيش حد له بصمة في كلماتي ولا يتدخل في أفكاري مع احترامي للجميع وشكرا بس غيرتي على موهبتي اللي تعبت فيها سنين لا أقبل التقليل منها لهدف لا أعلمه بس هي مواقف بتعلمنا نكون على حذر.. وأسف بس كان لازم أرد.. ولو حد بيديني أفكار ليه ماعملش مع غيري كده وطلع نفس المستوى .!!! اللي اتقال ده غلط كبير”.