هنأ الفنان اللبناني وسام الامير مواطنه الفنان فارس كرم على طرحه لجديده وهي اغنية تحمل عنوان “قمرجي” وقد كتب تغريدة عبر تويتر اشاد فيها بفارس كرم :اغانيك وصوتك دايما بيعطونا جرعة امل و تفاءل و فرح مبروك جديدك يا بو مريم”.
وقد اجتاز فارس كرم بأغنيته المليون الثاني بنسبة عدد المشاهدات والتي طرحها عبر قناة روتانا في اليوتيوب، ويتصدر الترند على الموقع بالمركز الرابع والاغنية من كلمات وألحان : فارس اسكندر توزيع : عمر صباغ إخراج : حسن غدار.
كلمات الأغنية
فارس كرم – قمرجي
عليي متلِك ما مرق
عمري بالحب احترق
قلبي عم يلعب بِـمصيرو
وقلبِك عم يلعب ورق
شاطر يقهر فيي بس
ولا مرة بعذابي حس
ساعة بيحرقلي شبابي
وساعة بيطرنبلي القص
قلبِك واحد قمرجي
إتركو ما بسترجي
حبو شقلبلي حياتي
تلاتمية وستين درجة
كاشفلي كل اسراري
مولّع بِقلبي ناري
بيلعب عن جروحي قمار
وما بيلعب عن مصاري
قلبي ما عم يتربى
حتى جروحِك بيحبا
أول مرة بقشع بنت
عم تاكل شيخ الكُبة
إذا ربحت وما ربحتي
بحطن كلن عاصحتي
حتى ترضي مستعد
بيع اللي فوقي وتحتي
من حضنِك هالرومانسي
بيكفّي إربح لمسة
قديشو قلبي محظوظ
إنتي طلعتي من شنصي
غيرِك حدي مش شايف
صولد وأكبر مش خايف
قلبِك جوكر بالغرام
ما بيوقع إلا واقف