وجهت الممثلة المصرية راندا البحيري، رسالة للفنان التشكيلي أحمد شيحة، بعدما هاجمت تصريحات ابنته الفنانة حلا شيحة بعد هجومها وتبرأها من كليب “بحبك” لتامر حسني في فيلمه مش انا.
ونشرت راندا البحيري، صورة للفنان التشكيلي أحمد شيحة، عبر حسابها الشخصي على “إنستغرام” ، وعلقت قائلة: “بعد كل اللي حصل واللي اتقال والتضامن من قِبَلنا مع نقيب الفنانين الدكتور أشرف زكي، وُجب عليّ تقدير وشكر هذا الرجل العظيم الفنان أحمد شيحة”.
وتابعت: “عايزه أقوله حضرتك على رأسي، وأنا بحترمك جدا وبحبك بجد وشكرًا لوقوف حضرتك مع الفن والفنانين ومُقدرة جدًا موقف سعادتك ودموعك الغالية وجعتلي قلبي، أنا أم وعارفة وحاسه بيك جدا، وربنا يطمنك عليها وعلى عيلتك كلها، وأتمنى ليكم يارب كل حاجة حلوة كلكم أنت وعائلتك المصونة”.
وأضافت الفنانة: “آسفة لو كنت حادة في ردي على بوست ابنتك الفنانة اللي حبيتها من صغري، وكنت طول عمري بحب رقتها وشكلها الجميل ونقائها.. ولا زلت أتمنى لها كل خير يارب.. ربنا يسعدها ويهديها للأصلح لها ولأولادها اللهم آمين”.
وكانت الفنانة حلا شيحة هاجمت الفنان تامر حسني واعترضت على طرح كليب يجمعهما من ضمن أحداث الفيلم، وعلق والدها الفنان أحمد شيحة في مداخلة هاتفية منتقدا تصريحات ابنته.
وكانت راندا البحيري، هاجمت حلا شيحة قائلة: “هو محدش فهمها أن اللي بتعمله ده ممكن يعرضها للمساءلة القانونية، وأنها بتضر بسمعة فيلم وبالتالي إيراداته؟”.
وتابعت: “بتتكلم عن ممثل ونجم بحجم تامر حسني بالشكل ده أكنها أحسن منه، وإحنا كلنا عارفين الخير اللي بيعمله تامر طول عمره، في الخفاء وفي العلن على إيدينا كلنا، فضله على ناس كتير أوي، وربنا جعله سبب لفتح بيوت قد كده، وهي تنصحه، لا والله هم يضحك”.
واختتمت “هو برضه اللي مضطرب؟؟ لالالا والله كانت صعبانه علي في الأول .. بس كده صعب أوي حد ياخد بقي منها الموبايل بسرعة”.