خاص لبيروتكم – أبراج الأسبوع مع عالمة الفلك والطاقة جومانة وهبي من 17 ديسمبر الى 23 ديسمبر


عالمة الفلك والطاقة جومانة وهبي

للتواصل مع عالمة الفلك والطاقة جومانة وهبي : 0096171778586

واتساب 0096181351001

الحمل

يبدو انك عم تشعر ببعض المتاعب والضغوطات من كل شي حواليك وخصوصا انك مش راضي على  امورك المهنية وحتى الوضع العاطفي المتقلب وعدم رضاك عن تصرفات الشريك ومازلت عم تشعر بالوحدة وعدم تجاوب الشريك معك . ولكن مارح تستمر على هالحالة . لانك مقبل على سنة فيها وعودات مهمة وانت على موعد مع طبيبك لاستشارة طبية او اخذ النصيحة بالاضافة لمكسب مالي بانتظارك.

الثور

مازلت قلبك بمكان وعقلك بمكان وهالحيرة مؤثرة على علاقتك مع الشريك ولكن لربما ترجع تتواصل مع شريكك وتتفقوا على صيغة جديدة اما مهنيا في مواقف كتير مهمة رح تكون لصالحك بالاضافة لحلول مالية بانتظارك.

الجوزاء

اجواء فلكية عم تتحدث عن رغبتك بتحقيق انجاز عاطفي لربما يكون شوي بعيد عن الواقع يللي عم بتعيشه ولربما يكون عندك شريكين ورح تبدا بتصحيح مواقفك العاطفية بشكل تكون راضب عنها . اما مهنيا فبانتظارك انطلاقة كتير مهمة . بالاضافة لاجراءات ورقية قد تضطر لمتابعتها.

السرطان

يبدو امورك العاطفية عم تبلش تعطيك نوع من التفاؤل ولكن مازالت العلاقة مهتزة  وحتى لو كنت مع الشريك حاليا فانت قادم على قطوع عاطفي وبكل الحوال انت قادم على تفكير بعلاقة جديدة او فرصة عم بتلوح بالافق عاطفية وقد تأتي لصالحك. اما مهنيا رح بيكون وضعك افضل ورح تاخد قرار كتير مهم فيما يتعلق بمصيرك المهني ولربما تكون واقف امام فرصتين مهنتين .

الاسد

ابتدأت تنشط على الصعيد المهني وبكون افضل من السابق ولكن مازالت موعود بشي افضل وانت قادم على مرحلة رح بتكون اسهل واما علاقتك مع الشريك لربما تكن واقف مام خيارين وهالخيارين مهمين بالنسبة لالك ولربما شوف تودد من الشريك لربط الامور ببعضها ما بينك وبينهبالاضافة لارتياح مادي .

العذراء

مازلت مشوش على الصعيد المهني لانو اكتر خيار وافكار برأسك ولكن بعد مافي شي عم تنجه بالشكل صحيح .فمن الممكن يكون في شوية تأخير بالانجازات ولكن هيدا شي لصالحك. اما عاطفيا انتبه من انك توقع ببعض الاستفزازات مابينك وبين الشريك .

الميزان

الفلك عم يتحدث عن اجواء فيها مصالحة وفيها عتاب مابينك وبين الشريك من بعد ما كانت الامور بيناتكن فيها نوع من التوتر . واما مهنيا في حريك لوضعك المهني ورح تبلش تشعر بنوع من الامان بالفرص المؤاتية لالك ولكنك مازلت عايش تحت ظل الضغوطات المادية.بالاضافة لاحتمال متابعات طبية.

العقرب

بعض المخاوف يللي عم بتعيشها على الصعيد العاطفي لربما في اشيا مخباية عن الشريك وخايف انك تدخل بتفاصيلها . ولكن رح تعرف كيف تضبط الامور بطرقة بتنعكس لصالحك. واما مهنيا في انطلاقة نوع من الاستثمارات ونوع من الخطط ممكن تكون شوي بعيده وخطط تقوم بتنفيذها حاليا.

القوس

مازلت عم بتعيش نوع من الاخطار على الصعيد المهني ولكن رغم المخاوف فالفلك داعمك وخصوصا كوكب المشتري انما وجود كوكب زخل عم بيأثر شوي على حظوظك ولكن انت من الاشخاص الناجحين وقادر ترجع تقتحم مجالات مهنية قد تكون جديدة عليك . اما من ناحية العاطفية فدير بالك من انك توقع ببعض البرود العاطفي مع الشريك ولربما تستقبل زوار من سفر.

الجدي

يبدو انك متفائل بوضعك العاطفي فالاجواء الفلكية عم تتحدث عن ارتياحات عاطفية رائعة جدا. اما مهنيا استراتيجي جديدة وقوانين جديدة بانتظارك مسببتلك قلق ولكن انت عم بتعيش هيدا القلق وهيي مجرد مخاوف.بالاضافة لاوراق بتتعلق بانجازات مالية.

 

 

 

 

 

 

الدلو

آن الاوان انك تبلش تحصد او حتى تحقق الفرص المهنية اوالترقية لي كانت شوي بعيدة عنك وعلى بداية السنة رح تحقق انجاز مهني كتير مهم ان كان بترقي او نقلة او انسحاب من مكان لمكان او مباشرة عمل جديدة . اما من الناحية العاطفية مازالت الامور بحاجة لتقريب المسافة مابينك وبين الشريك ولكن الافضل انك تكون المبادر وخصوصا انت مين ابتدا بالخصام والزعل والفراق واخد القرار ولكن الفلك عم يتحدث عن عودة الامور الى طبيعتها مع الشريك السابق.

 

الحوت

قد تطالك بعض الانجازات المهنية السابقة وفي تعاون مهني مع محيط سابق وقادم على تغيير باتجاه موقع عمل او شروط جديدة ممكن يكون الك طرف فيها ورح تتخطى المرحلة يللي كنت قاطع فيها بنوع من الفراغ المهني او حتى القطوعات المهنية . اما عاطفيا اصبحت جاهز لحتى تسلط الضوء على حياتك العاطفية مابينك وبين الشريك ولربما رح بتكون اجرأ بتحديد المصير نجو الايجابية . فالفلك عم يتحدث عن امور رائعة جدا وفي تحرك ايجابي بوضعك المادي.