تامر حسني يكشف سبب انتاج البومه بنفسه!


حرص النجم تامر حسني على توضيح أمر إنتاجه لنفسه لأحدث ألبوماته الغنائية “عيش بشوقك”، وذلك بعدما أصر الجمهور على سؤاله عن سبب قيامه بهذا الأمر.

 

وشارك “تامر” منشور له عبر موقع التواصل الاجتماعي “فيس بوك”، وعلق قائلًا: “من قلبي لمن يهمه الأمر اتسألت كتير السؤال ده، انت ليه أنتجت؟، الحقيقة من وجهة نظري المتواضعة كان لازم يكون في نقلة نوعية في الموسيقى في مصر والوطن العربي عشان الجمهور يستحق مننا كده”.

وأضاف: “بحكم تطلعه وإدراكه الكبير بالموسيقى العالمية، الجمهور يستحق مننا اننا نتعب أكتر عشانه بفن راقي يستحق ان يكون واجهة موسيقية مشرفة لبلدنا ووطنا وتاني حاجة بحكم اني فنان انعم الله عليا والحمدلله بمكانة دولية كبيرة في قلوب جماهيري في بلدي مصر وجميع بلاد الوطن العربي والمغتربين في جميع أنحاء العالم وبعض الجماهير الأجنبية التي تتابعني كان لازم اتعب كده عشان التعب على قد المكانة”.

وتابع: “مش قادر أوصفلكم فرحتي بردود أفعالكم الجميلة على تعبي وتعب شركتي، والنجاح ده وراه خلية نحل كبيرة بجد أبطال وانا هشكرهم بطريقتي الفترة الجاية بس مش عايز أحرق هعمل ايه بس اللي عايزكم تعرفوه ان والله والله والله الشركة دي كلها شغالة من غير ولا عقد ورقي، ولكن عقدنا الوحيد ووعدنا الوحيد هو الحب والإخلاص اللي في قلوبنا لبعض، شكرًا شركة TH Production”.