بالصورة- مي حلمي تنفي انفصالها عن محمد رشاد


نفت الإعلامية مي حلمي الأخبار التي تم تداولها خلال الفترة الماضية على مواقع التواصل الاجتماعي عن انفصالها عن المطرب الشاب محمد رشاد، وذلك عن طريق صورة نشرتها عبر موقع الصور الاجتماعي «إنستغرام».

 

https://www.instagram.com/p/BlyhdioA4xC/?taken-by=maihelmy.official

حيث علقت على الصورة قائلة: «أول صوره اتصورناها مع بعض من ٣ سنين… شتا ٢٠١٦،،،، كنت لسه في راديو إنترنت وكان هو لسه خارج من أراب أيدول ومكسر الدنيا ومكناش بنعرف نمشي من الناس إللي بتوقفنا عشان تتصور معاه… وفاكره بالحرف كل إلى كان بيوقفه يقولو “عيون بهية”، وساعتها قولتلو هبقى مذيعة كبيرة وهنكبر مع بعض وروحت شعبي اف ام وبقيت مذيعة بجد وساعتها أول انترفيو عملته مع حكيم عشان كنت بقدم برنامج اسمه أوسكار الأغنية الشعبية.. وفي مؤتمر صحفي كبييير وسط ناس كتير صحفية سألته مين خليفتك وفاكره والله ماعطلش ولا فكر وقال أبو صوت جبار ده: محمد رشاد ماننساهوش ده هيبقي ليه دور مهم،،، وعدى ٣ سنين وبقى مطرب وشاطر وثبت نفسه في مجاله وفرق عن جيله..

وبقيت مذيعه بس لسه على قدي، الحمدلله وسبحانه على حالنا ونعمة الرضا والحب يا بتاع أراب أيدول بحبك من زمان واللي في قلبي كان دايما باين… جزء كبير من نجاحي انت سبب فيه عشان كنت كل ما بعيط كنت بتقول بكره الناس تتكلم عنك في عز ضقتي وضعفي وفشلي.. كنت بتقولي مش مقدرينك عشان ناجحة والناس بتخاف الناجح… وماكنتش بصدقه دلوقتي وبعد ٣ سنين صدقتك ربنا يديمك ويعزك».