بعد كثرة الانتقادات التي طالتها، وبالوقت الذي اعتمدت فيه الصمت، كي لا تدخل في مهاترات مع بعض الدخلاء والمتطفلين اصحاب الصفحات التافهة والفارغة من اي مضمون قيّم، خرجت الممثلة اللبنانية نادين نجيم عن صمتها لترد رداً مسهباً على مسألة تعريض فكيها ونشرت صورة عبر حسابها الخاص لتكتب عليها الرد فقالت : ”
“بعتقد بكفي حكيتوا كتير عن موضوع شكل وجي و أخدتوا راحتكم وانتقدتوا لشبعتوا صرلكم سنة بس مش معقول كل ما نزل صورة حلوة او ايا شي بتتركوا كل شي و بتعلقوا على حنكي بالوقت يلي بتنفحطوا و بتجنوا بجمال الأجانب و هيدي الصورة حطيتا ليش حلال على الأجانب و عليي انا لاء ! تتشوفوا عقدة البعض مني انا تحديداً وكأني الأولي و الأخيرة هيدي انا هيدا شكلي و كتار حاولوا يقلدوني بس بنفس الوقت بينتقدوني هيدي مع الأسف نفسيات البعض انا متقبلة بس خلص حكيتوا و انا ما عم رد و لا رح غير شكلي كرمال حدا هيك انا مبسوطة ويلّي اجمل مني يعمل احسن مني ما زهقتوا نفس الحكي بتعيدوا صرلكم سنة والله انا زهقت عنكم ! وشو المقصود من كل هل حكي غير حالي؟ مستحيل !!! تأثروا على نجاحي على ثقتي بنفسي ؟ مستحيل !!! تغيروا رأي العالم يلي بحبوني و بشوفوني حلوة بدكم تعملولن غسل دماغ لكل انسان بحبني وتحاولوا تشوهوا صورتي قدامن !! مستحيل مستحيل بدكم تجيبوا لايك و فولورز ؟ اي ممكن بس نصيحة ما شايفين أني ماشية بطريقي و المحبين و المعجبات كتار لوين بدكم توصلوا ؟ ما شايفين غيري بكل الوطن العربي ؟ بعرف هيدي ضريبة النجاح بس اذا انا بنت بلدكم و هيك عم تعملوا فيي شو خليتوا لغير عالم هيدا جوابي للي عاملين حالن بيفهموا وعندن الصلاحية يحكموا على العالم وينتقدوا والمفروض المشهور يسكت و يبلعها و ما يحكي الحق ! انا انسانة وعندي صوت متلكم بجاوب وقت يلي لازم جاوب وهيدا جوابي ان شاء الله تحلوا عن حنكي و تركزوا بجمالكم يا حلوين إنتوا يا ملوك الجمال. والله يعطيكم على قد نيتكم وعلى قد ما بتحبوني #صرعتونا #نادين_نسيب_نجيم
وبعدها نشرت فيديو اكدت فيه انها تحب شكلها كما هو داعية البعض للكف عن انتقادها
شاهد الفيديو :
https://www.instagram.com/p/BgdWxjal98h/?taken-by=beirutcommag
https://www.instagram.com/p/BgdRioGnSeP/?taken-by=nadine.nassib.njeim