اصالة تستذكر فترة مرضها في طفولتها و كيف تغلبت على الاوجاع


أحيت النجمة اصالة حفلها الغنائي الضخم في كوكا كولا ارينا بدبي للمرة الثالثة خلال عام واحد والتقت على هامش الحفل مع الاعلامي ايلي نخلة لكاميرا the insider بالعربي حيث صرحت بعدة مواضيع هامة وشخصية.

اصالة تستذكر فترة مرضها في طفولتها و كيف تغلبت على الاوجاع

وهذه هي ابرز التصريحات لأصالة في the insider بالعربي على هامش حفلها في دبي:  

–  انا مرق بحياتي احداث جلل بعتقد انه اذا مرق جزء منها على ايا انسان يمكن ما يقدر يتحملها بس يمكن رب العالمين عارف انه نحنا في ناس بتقدر تتحمل هاي الاحداث وكله مرق بأقل اضرار نفسية بسبب غنايي

– انا صوتي هو كان سلاحي الوحيد معيني الوحيد على الانتصار على اي مشكلة كانت فردية لحتى ارجع انتفض واعرف قوم بعائلتي قوم بمسؤولياتي قوم بمسؤولية نفسي كمان اولاً، لان انا بعرف انه هي الحياة لازم نحنا هي المقاومة تكون موجودة معانا منذ الولادة

– مرضي بطفولتي هالchallenge هاد اللي رب العالمين عطاني ياه بهالمشكلة الصحية هي اللي علمتني كيف انتصر على اي حدث

–  تتالت عليي بعض المشاكل سواء كانت يعني خاصة او عامة وقدرت انتصر عليها فقط بغنايي وفقط بصوتي لانه صوتي هاد مو مجرد يعني شيء بغني، مو هو شي بس صدى بيطلع بالهوا، هو حامل مسؤوليات كتيرة يعني انا بغنى عن اني اذكرها، بس هو شايل الدنيا كلها هون جوا حنجرتي 

– انا بحس صوتي هو دور الفرح دور كتير مهم وخصوصاً لما الاحزان بتتراكم، لانه انت اذا بدك تساعد لازم تكون واقف لحتى تقدر تساعد، ما بتقدر تنهار وتساعد 

– بس بصوتي بقدر انتصر على اي مشكلة نفسية بمرق فيها، وبحس انه هو معين لناس كتير، هو ما حيعين الكل، بس حيعين المحبين وهاي هي الناس اللي متأثرين فيه، صوتي.