شيريهان تهنئ منى زكي ووحيد حامد لتكريمهما في مهرجان القاهرة


أعربت النجمة شيريهان عن سعادتها الكبيرة بتكريم النجمة منى زكي والسيناريست الكبير وحيد حامد في مهرجان القاهرة السينمائي الدولي بدورته الـ42، حيث تم منح منى زكي جائزة فاتن حمامة، ومنح وحيد حامد جائزة الهرم الذهبي لإنجاز العمر، وكتبت شيريهان عبر حسابها بموقع “تويتر”، “قلبي فرحان وفخور بتكريم منى زكي ووحيد حامد في الدورة الـ 42 لمهرجان القاهرة السينمائي الدولي تستحقوا 1000 تكريم وتكريم”.

وحرصت النجمة منى زكي على توجيه الشكر للقائمين على مهرجان القاهرة السينمائي في دورته الـ 42 الذي يقام اليوم في دار الأوبرا المصرية، بحضور عدد كبير من النجوم والمشاهير، وقالت منى زكي بعد تكريمها في المهرجان بجائزة فاتن حمامة، “شرف كبير أوي أوي إنى اتكرم النهاردة في أهم مهرجان في بلدي، النهاردة واقفة على المسرح وبشكركم أوي”.

وأضافت منى زكى، “تكريمى باسم سيدة الشاشة العربية ده حاجة كبيرة بالنسبالي، تشرفت إني كلمتها قبل كدة في التليفون وعمري ماسمعت صوت بالرقي ده، والحلاوة دي، وكمان تكريمي في الدروة الي فيها وحيد حامد، دا شرف مش عادى”.

بينما قال وحيد حامد، “أشكر حضراتكم جدًا، علشان أنتوا من عشاق السينما، إلى أنا حبيتها بقدر كبير جدًا من الإخلاص والتفاني، وأعتقد إن أنا ممكن تفتكروني أفلام أسعدتكم بقدر ما، أنا بشكر كل الذين تعلمت منهم، وكل واحد اتعلمت منه أو علمني، هما كتير علشان المشوار طويل، وكان من الصعب جدًا، إن أنا أقف في مكاني ده لولا حبكم، ولولا دعمكم، ولولا حبكم للسينما وللمخلصين للسينما”.