دومينيك حوراني برسالة مطولة “كورونا مميت فتك بالعالم”


نشرت الفنانة اللبنانية دومينيك حوراني، صورة لها عبر حسابها الرسمي على تطبيق الصور والفيديوهات “إنستغرام”، وظهرت فيها وهي ترتدي الكمامة، خوفًا من تزايد الحالات المصابة بفيروس كورونا.

وعلقت دومينيك حوراني على الصورة برسالة مطولة: «كورونا مميت فتك بالعالم والأرقام عم تتزايد بشكل رهيب تصاعدي. سواء كان سلاح بيولوجي من صنع الإنسان او عقاب رباني للبشر النتيجة واحدة وما عارفين نعالجه . يا خوفي يكونو اخترعوه بالمختبر وطلع عن سيطرتهم وما عرفو يرجعو يوقفوه ، يعني شغلة : من نصب فخًا لأخيه ، وقع فيه …».

وأضافت: «المستشفيات مش مجهزة وفي بس ٣٠٠ سرير و١٠٠٠ مكنة تنفس لكل لبنان. انتو بعدكن مولعينا سهر ومش فارقة معكن . عديمي المسؤولية وما عندكم بعد نظر . هيك انتشر المرض أصلا بسبب التجمعات ، شو ناطرين ؟ حدا من اهلكم او معارفكم يخطفو المرض حتى تحسو وتوقفوا مهرجاناتكن وأعياد الميلاد والمناسبات اللي ما الها طعمة ؟
رح نوصل لمحل تفضى السويرماركات من الأكل متل ما صار بالصين وألمانيا وإيطاليا . رح نحبس حالنا بالبيت.صح انو نسبة الوفيات ٣بالمية بس الناس اللي عم تنجو بعد المرض برا عم ياخدوعلاج ،وتنفس صناعي .الصين بنيت مشافي بأيام معدودة .بلبنان ما في إمكانية .يمكن نوصل محل نقول نيال اول كم إصابة بلبنان لأنن عم يعالجون ، عندن أمل يصحوو وهيك كمان ب كتير بلدان .
اجمالا كل البلدان العربية ما فيها غرف كافية ومعدات لعلاج هيك شي وحتى الكمامات والقفازات عالميا انقطعت والملابس الحامية للدكتور والنرس كمان بالمشافي خلصت بلبنان . ايران التوقعات ٤٠ بالمية من الشعب يصاب
اختصار : ازا تعالج الواحد يشفى
بس وين يتعالج ؟ ومين يتجرأ يعالجوا ويجازف بحياتو ازا زادت الحالات بشكل تصعيدي ? ومن وين نخلق مكنات اوكسجين ؟ هيدا المرض بيقطع النفس عن الروايا وما في عنا غرف ودوا ومواد علاج كافية».