كشف الفنان والمنتج محمد محمود عبد العزيز، عن صورة جديدة له مع صورة لوالده الفنان الراحل الساحر محمود عبد العزيز، في الذكرى الثانية لرحيله، قائلا: “برضه هتصور مع حضرتك وهتجمعنا صور جديدة”.
وأوضح عبد العزيز، عن سبب نشره الصورة، قائلا: “بصراحة الصورة دي ماكنتش متصورها عشان أنزلها على السوشيال ميديا، كنت عاملها ليا أنا بس عشان أحطها على موبايلي وأعلقها في بيتي وشركتي، بس قلت لنفسي إن أكيد في ناس كتير عاملة زي حالاتي وليها حد غالي عليها بعيد عنها، أيا كان نوع البعد حتى لو مسافر مدة طويلة”.
وأضاف: “نصيحتي.. اعمل زي ما أنا عملت، اتصور صورة حلوة مع صورة حلوة للشخص الغالي عليك، ولو كان مسافر ابعتهاله وعرفه قيمته عندك وحسسه بحبك ليه، ساعتها أكيد هيفرح وانت كمان هتفرح وهتقصر بينكوا المسافات مهما طالت”.
وتابع عبد العزيز: “العمر مهما طال قصير، اللي انت حاسه قوله واللي بتحبه قوله بحبك في وشه، صدقني ممكن بكره ماتلاقيهوش، أما لو الغالي عليك المسافة اللي بينك وبينه أبعد من السفر، أكيد برضه هيحس وهيفرح وأنت كمان هتفرح انك معاه فيص ورة جديدة حتى لو مع صورته”.
واختتم عبد العزيز، قائلا: “أسألكم الفاتحة والدعاء لأبويا ولكل من رحلوا عنا”.