كشف النجم الشاب محمد إمام، كواليس مشهد من مشاهد فيلمه الأخير “ليلة هنا وسرور”، حيث شارك جمهوره مقطعًا من كواليس التصوير عبر حسابه الرسمي بموقع التواصل الاجتماعي “إنستغرام”.
وعلق “إمام” على الفيديو قائلًا: “من أصعب المشاهد اللي صورتها أنا وياسمين صبري بنجري بالبيجامة والروب على كوبري قصر النيل يوم الخميس بليل.. اللي أول مرة تعرفوه، إن وإحنا بنجري ياسمين وقعت مني في وسط الكوبري وقعدت تعيط على الأرض لأن كان عندها أصلًا رباط صليبي والناس ابتدت تتلم علينا جامد، وأنا قاعد بهدي فيها وأسلم على الناس في نفس الوقت، لحد ما عربية الإنتاج جت بسرعة وركبنا فيها ومشيت”.
وتابع: “أنا من كتر اللهوجة نسيت أركب معاهم، وفجأة لقيت نفسي واقف لوحدي بالروب وحافي في وسط أمة لا إله إلا الله وعاوزين كلهم يتصوروا معايا أو اتصورا خلاص والدنيا اتقلبت وأنا مش لاقي ولا حد من التصوير، لحد ما لقيت واحد صاحبي معدي بالصدفة بعربيته ولحقني، وفي نفس الوقت طقم التصوير بيدورا عليا ومش عارفين أنا فين، كان يوم صعب بس عدي على الخير الحمدلله والمشهد طلع لطيف جدًا”.