رامي عادل إمام لعمرو دياب: “الكبير كبير”


علق المخرج رامي عادل إمام، على ألبوم الفنان عمرو دياب الجديد “كل حياتي”، وذلك عبر بعض الكلمات التي كتبها بحسابه على موقع “فيسبوك”.

وكتب “رامي” قائلا: “في أواخر التمانينيات، كان نفسي أحضر له حفلة، وأول ما سمعت إنه حيعمل حفلة في نادي الجزيرة، جريت وجبت تذكرة بالعافية علشان أكون موجود، وبعدين في العجمي عمل حفلة على البحر، وكنت أول واحد موجود فيها، وفي التسعينيات كنت باجري وراه في حفلات الكريسماس ورأس السنة علشان بس اسمع الألبوم الجديد بتاعه، وفي الألفية الجديدة، وبالذات بعد “تملي معاك”، كنت بلفلف في الشوارع علشان أسمع أغانيه وأشوف أخد المزيكا لفين، وكان من أحلامي إني أقابله وأتصور معاه، وفعلا حصل”.

وتابع: “النهاردة بعد ما سمعت الألبوم الجديد “كل حياتي” تأكدت أن لقب “الهضبة” ده مش من فراغ، ده نتيجة تعب وشقا سنين وكفاح وصبر وحب للموسيقى غير عادي، وأهم حاجة التطور”.

واختتم: “صديقي عمرو دياب.. الكبير كبير”.