Top

تصريحات شيرين عبد الوهاب تستفز نداء شرارة..كيف ردّت عليها؟

تصريحات شيرين عبد الوهاب تستفز نداء شرارة..كيف ردّت عليها؟

ادت تصريحات الفنانة المصرية شيرين ببرنامج مجموعة انسان الى استفزاز الفائزة بلقب احلى صوت – ذي فويس نداء شرارة ، ما استدعى منها رداً قاسياً وصادماً حيث نشرت ن مقطع الفيديو وردّت على شيرين قائلة: “بالبداية خليني اشكرك على دعمك وعلى ثقتك وعلى كل مرة حكيتي للناس صوتولها.. بس خليني اقلك شي انتي اللي ربحتي مش أنا.. أنا دينار واحد ما ربحت من ذَا فويس أنا طيب خاطر منك بعد البرنامج ما صار.. أما ربحت شتايم وحكي طالع نازل وناس بتهاجمني.. أنا هلا عّم بعمل لحالي اسم وجمهور بعد ما كسبت ثقة الناس وحبهم بصوتي بتواضعي بمبدأي بحبي لحالي”.

وأضافت: “مش عارفة شو اقول لما تبقى فنانة بهذا الحجم ومش شايفتيني بعينك وما بدك تعترفي انك عملتي معي موقف زي هاذ لانو مش فارق عندك واساسا هاد موقف انا سامحتك عليه بلاش تطلعي تحكي بالمقابلة انا دعمتها ودعمت أهلها وإصراري اللي نجّحها وخليت أهل بلدها يدعموها ايش في ..؟ بنصحك تحكي جل من لا يسهو اللي نجحني بعد ربنا صوتي وحجابي كمان وانا ربنا وفقني عشان صافية نضيفة وانا ما خليت مكان الا شكرتك فيه بعد البرنامج مع انك كنتي عارفة وضعي سيئ ما عملتيلي ولا شي ولا فكرتي تعملي زي ما وعدتي اه وعدتي وانا طبعا ما بسدق عشان الدنيا كانت هاديتني وكاسرتني وما عندي ثقة بحد”.

واستكملت: “خليني أقلكم عن دعم شيرين عبد الوهاب والله العظيم اني شفتك كم مرة بحياتي بس قلتي للناس تصوتلي دعمك على عيني وعلى راسي وبالفعل اذا كان هدا جميل بقدرلك اياه لآخر يوم بعمري بس بتحكي خليت بلدها يدعموها وإصراري نجحها اللي نجحني صوتي بسسسسس بتحبي تعرفي قديش عانيت من بعد البرنامج بتحبي تعرفي شو صار معي بتحبي تعرفي دعمك انا بلحظة تمنيت لو أني ما شاركت بالبرنامج عن أي دعم بتحكي انا لولا اجتهادي كنت ما عرفت اثبت حالي كسرتي خاطري لأول مرة بحكيها عادي زيك زي كتير والله على ما اقول شهيد قلتيلي هطلعك معايا ببعلبك تغني ودي حاجة كويسة ليكي حجزت تيكت وأوتيل على حسابي وكنت معيش اعيش أيامها بس قلت يلا لازم اروح عتبت عليكي عشان نسيتني مش عشان ما طلعت جنبك ما بدّي اخد جمهورك ولا شي قلتلك بالمسج انا مش طمعانة غير بشوفتك قالتلي بالحرف الواحد “أنا أريفت دلوقتي انك زعلتي اصل ساعات الواحد بينسى بناته” هلا جايه بتقولي هي افتكرت انها هتطلع معايا… هو انا يعني بدّي اجي ازعل أني ما طلعت معك اقسم بالله انا ما كنت هاكلة هم غير انو من وين بدّي ألاقي حدا يوصلني ع بعلبك وقتها لان ما حدا كان داري عني بدّي اعتب ع وبعدين قطعتي تواصلك معي ما حكيت عليكي بالعاطل ما قلت شي قلت عتبت عليها وحكيت الموقف بكل حب وقلت نسيت عادي انتي شيرين احنا مين علشان يطلعلنا معاكي”.

واختتمت: “أنا الشي الوحيد اللي ربحتو من البرنامج هو ثقتي بنفسي.. ما ربحت لقب خلي الألقاب لأصحابها..!”.

Comments

comments