Top

ميرهان حسين عن دورها ب “أيوب” : صبرت ونلت

ميرهان حسين عن دورها ب “أيوب” : صبرت ونلت

شاركت الفنانة ميريهان حسين جمهورها، عبر حسابها الرسمي على “إنستقرام”، صورة لها ظهرت من خلالها خلف القضبان، مثل مصطفى شعبان الذي تشاركه بطولة مسلسل “أيوب”.

وعلقت “ميريهان” على الصورة: “الحمد لله مبسوطة أوي بالجدل اللي حاصل حول شخصية رغدة، الشخصية اللي بلعبها في مسلسل (أيوب)… الجدل ده في حد ذاته نجاح.. وأنا استنيت دور زي ده يتعرض عليا كتير عشان للأسف معظم المنتجين والمخرجين ما بيحبوش يغامروا وبيفضلوا يستسهلوا ويكرروا نفس الممثلين والممثلات في نفس الأدوار وإحنا اللي بندفع الثمن تكرار الشخصيات عشان نتواجد.. فالحمد لله إن جاتلي الفرصة ألعب شخصية كنت بتمنى ألعبها لأني بحب الأدوار المركبة اللي بتعيش صراع داخلي، لأن ده إنساني وحقيقي أكتر من الأدوار اللي بتكون فيها الشخصية خيرة على طول الخط أو شريرة على طول الخط”.

وأضافت: “الحياة أعمق من كده ومليانة قصص أقسى من اللي بنقدمها في الدراما.. وزي ما في ناس جدعة في ناس ندلة أوي وفي ناس بتحسبها غلط وكل شخص بيحسبها بطريقته، وكتير بيتخلوا عن أخلاقهم ومبادئهم وأقرب الناس ليهم حتى بيتخلوا عن نفسهم بسبب الخوف… الخوف من الفقر الخوف من الحوجة الخوف من الدنيا”.

وأنهت حديثها: “دي نماذج موجودة وحقيقية.. هدفنا نقدمهالكم زي ما هي بخطئها وصوابها وتصدقوها… لما تصدقوها يبقا نجحنا”.

يشارك في بطولة «أيوب» بجانب مصطفى شعبان مجموعة من الفنانين، منهم: أيتن عامر، وهنا الزاهد، ومحمد لطفي، وميريهان حسين، ومحمد دياب، وزكي فطين عبد الوهاب، وهو من تأليف محمد سيد بشير، وإخراج أحمد صالح.

روتانا

Comments

comments