بالفيديو – شعبان عبد الرحيم يغني «ترامب خلاص اتجنن»


 قال الفنان الشعبي شعبان عبد الرحيم، إنه سجل أغنيته الجديد «ترامب خلاص اتجنن» في يوم واحد، والتي هاجم فيها قرار الرئيس الأمريكي دونالد ترامب بنقل السفارة الأمريكية في إسرائيل إلى القدس المحتلة.

وأضاف المطرب الشعبي فى تصريح له أن الأغنية كتب كلماتها الشاعر الغنائى إسلام خليل، وسجلها ليلة أمس، كنوع من التضامن مع القدس الشريف، وعلق :«ترامب مالوش في السياسة، أنا معرفش إيه إللي قومها فى دماغه وخلاه يبقى رئيس»، واختتم :«القدس عربية».

 

وتقول كلمات الأغنية :

ترامب خلاص اتجنن .. محتاج يا ناس قفص

وكله يخلي باله .. لو عض أو رفس

مالك ومال القدس .. أما أنت راجل رذل

كبرت خلاص يا ترامب .. ولازم تعتزل

عامل علينا معلم .. علشان إحنا دلعناك

مافيش غير بس كوريا.. هي اللي مظبطاك

إكمنك شكل هوجان .. ماشي تخبط بإيديك

مافيش غير كيمو يانج .. هو اللي بيقدر عليك

يا راجل اختشي على دمك .. بجد عيب عليك

ولعت الدنيا بكلمة .. يارب تعمى عنيك

يا ترامب يا صهيوني .. يا ممثل دوبلير

الشعب العربي كله .. مش هيعديها على خير

القدس هتفضل باقية .. عربية ليوم المعاد

يا جماعة فين القدس .. أمال فين الجهاد

قاعدين تجاهدوا فينا .. جهاد مالهوش مثيل

أنا نفسى أشوف جهادكم .. فى أمريكا وإسرائيل

القدس أهى بتتسرق .. بنقول يا مين يحوش

قولنا الربيع العربى .. مؤامرة ماصدقوش

ترامب ناوي يخربها .. ويولع الفتيل

طالع يقول القدس .. عاصمة إسرائيل

لو مرة يا عرب اتحدوا .. اكسروا سم التعبان

ده المتغطى بأمريكا .. وحياة ربنا عريان

فتحت فاتوحة على نفسك .. يا ترامب ومش هتفوت

القدس خط أحمر .. وباقية مش هتموت

إياك تتكلم تاني .. على صلح أو سلام

ده أنت الإرهاب الأصلى .. وشوية عليك إعدام

الموج والنبي لنهده .. يالي صنعتوا الإرهاب

إسرائيل إيه يا جدو .. ليلة أبوكو هباب

الغضب الساطع ات .. ياترامب يابن ماريكا

ولا إسرائيل هتحوشو .. ولا مامتك أمريكا